LG Q8 (2018), 6.2-inch FHD+ Display Aur Stylus Pen Ke Saath Announce Hua

LG ke aaj ek taraf India mein Q7 ThinQ launch kiya hai aur doosri taraf LG Q8 (2018) bhi South Korea mein announce kiya gaya, jo ki ek mid-range handset hai. LG Q8 (2018) ko Moroccon Blue aur Aurora Black colors mein 5,39,000 won (approx. 33,000 INR) ke price par launch kiya gaya.

Price ke baad aaiey dekhte hai Q8 (2018) ke specs, ismein 6.2 inches ki full HD+ display, 18:9 aspect ratio ke saath di gayi hai. Iske alawa ismein Octa Core Qualcomm Snapdragon 450 moujood hai, jo ki up to the mark nahin hai, kyunki is price range mein aapko OnePlus 6 jaise smartphone mein Snapdragon 845 bhi mil raha hai.

Q8 (2018) mein 4GB ki RAM aur 64GB ki internal memory hai jise microSD card dwara 2TB tak extend bhi kiya jaa sakta hai. Android 8.1 Oreo software ke saath aane waale is smartphone mein 16 MP ka auto focus rear camera, LED flash aur PDAF ke saath diya gaya hai. Jabki iska front camera 5 MP ka hai. Saath hi iske camera features mein portrait mode aur QLens jaise features bhi hain.

Ismein aapko rear panel par based fingerprint scanner bhi milta hai aur 3300mAh ki battery bhi moujood hai jo Qualcomm Quick Charge 3.0 fast charging support ke saath aayegi. Halaanki is handset ka price iske specs ke according kaafi jyada hai. Lekin phir bhi company ne Q8 (2018) mein kuch achhi cheezein di hain, jaise ki ye IP68 rating ke saath water and dust resistant hai aur saath hi MIL-STD 810G certified bhi hai.

Q8 (2018) ki khasiyat ye hai ki ismein Built-in stylus pen diya gaya hai, jo pop-memo aur GIF editing jaise features ke saath aayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: