LG PK3, XBoom Go PK5 And PK7 First Impression Video: Check Here For Price And Other Details

LG ne last year solid build quality aur lightning effect ke saath Bluetooth speakers ki ek nayi range launch ki. Ismein three Bluetooth speakers shaamil hain, jinmein PK3, LG XBoom GoPK5 aur LG PK7 portable Blueooth speaker shaamil hain.

LG ki is PK series mein aapko Meidien technology milti hai. In speakers ke launch ke liye LG ne British sound system design karne waali company Meridien se tie-up kiya, aur is series mein aapko in dono company ka experience aur audio expertise dekhne ko milta hai.

LG PK3

LG PK3, PK series ka cheapest aur sabse compact Bluetooth speaker hai, jismein aapko Meridien technology dekhne ko milegi.

Achhi baat yahaan par ye hai ki is Bluetooth speaker mein aapko fast charging support bhi milta hai. Saath hi back panel par audio jack, reset button bhi moujood hain. Isi ke saath ismein 16W ke two speakera aur tweeters bhi moujood hain jo aapko amazing high frequencies aur clear sound provide karte hain.

Ismein top mein aapko Bluetooth on / off option, volume buttons, play / pause buttons, microphone aur voice assistant buttons bhi diye gaye hain. Is speaker ko aap Google Assistant, Siri ke through voice command bhi de sakte hain.

LG PK3 ko company ne IP68 rating ke saath launch kiya hai, yaani ki ye ek waterproof speaker hai aur kaafi handy aur portable bhi. Ismein aapko 5200mAh ki battery di gayi hai.

Ab agar pricing ki baat karein to LG PK3 ko aap 7,900 INR ke price par Amazon se purchase kar sakte hain.

LG XBoom PK5

PK series mein next speaker hai PK5, ye bhi ek easy to carry aur portable Bluetooth speaker hai, lekin PK3 ke mukaable ye kuch bada hai. Ismein aapko light system bhi diya gaya hai aur isi lighting ko aap music ke saath sync karke bhi enjoy kar sakte hain. Is cheez ko aap neeche di gayi Sharmaji Technical ki video mein dekh sakte hain.

LG XBoom PK5 mein aapko carrying handle milte hain, taaki aap ise easily kahin par bhi utha kar leja sakein. Iske alawa ismein aapko 20W ke dual speakers aur saath mein tweeters bhi diye gaye hain. Saath hi yahaan fast charging ke liye USB Type-C cable mil jaati hai aur ismein bhi audio jack, reset, Bluetooth on / off, play / pause buttons milte hain.

Is samay aap LG X Boom ke Amazon se 10,990 INR ke price par purchase kar sakte hain. Rahi baat sound quality ki, to ek ghar ke bade hall mein agar aap party kar rahe hain, to ye speaker aapko behtareen bass ke saath achhi audio output provide kar sakta hai. Iske alawa aapko lights on / off, clear bass jaise bhi kuch settings ismein milti hain.

LG XBoom aapko single charge mein 7-8 hours ka battery backup deta hai. Saath hi ismein IPX5 rating hai, jo ye certified karti hai ki ye ek splashproof speaker hai.

LG Portable Speaker PK7

Company ne ise portable speaker zaroor kaha hai, lekin PK series ka sabse bada speaker yahi hai aur ismein bhi aapko carrying handle milte hain. Is speaker ki khaas baat ye hai ki ye world ka pehle wireless speaker hai, jismein aapko Qualcomm ke AptX HD standard ka support milta hai, jo aapko lossless 24bit/576kbps hi-res streaming audio provide karta hai.

Iske alawa aapko yahaan par charging ke liye DC input diya gaya hai aur ise charge karne ke liye bhi jo adapter diya hai wo 19W / 1.7 Amp ka hai. Yahaan par aapko fast charging support bhi milti hai. Ismein 10400mAh ki battery hai, jo single charge ke saath aapko lagbhag 15 hours ka battery backup deta hai.

LG PK7 ka price 22,990 INR hai aur ye bhi IPX5 rating ke saath hi aata hai.

 

Iske alawa ek aur cheez jo hum aapko yahaan bataana chahte hain, wo ye ki PK5 aur PK7 ke peeche sync button moujood hai, jiski help se aap dono speakers ko sync kar inmein ek hi tarah ki lighting aur music ko enjoy kar sakte hain. Aapko kis tarah sync karna hai, ye aap neeche di video mein dekh sakenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: