LG Ne Launch Kiya Mid Range Smartphone LG K12+, MediaTek HelioP22 Chipset Ke Saath

LG ne bina kisi badi announcement ke apne ek aur smartphone LG K12+ko launch kar diya hai. Iss phone ko company ne mid range smartphone ki list mein announce kiya hai. Phone ki highlights mein iska camera hai jo ki AI technology ke saath aata hai. Iske alawa phone mein rear panel mounted finger print scanner bhi diya gaya hai. Phone mein diya gaya camera sensor human, animal aur food ko automatically identify kar sakta hai.

LG K12+ mein 5.7 inch ki HD+ display di gayi hai jiska screen aspect ratio 18:9 hai. Iss phone mein company ne MediaTek Helio P22 chipset use kiya hai. Yeh phone Android 8.1 Oreo operating system ke saath aata hai. Phone mein 3000mAh ki battery di gayi hai. Iss phone ko company ne single storage variant mein announce kiya hai jahaan aapko 3GB RAM ke saath 32GB internal storage dekhne ko milti hai. Phone ki storage microSD card ki help se 2TB tak bhadayi jaa sakti hai.

 

LG K12+ mein 16MP ka rear camera diya gaya hai jiska lens aperture f/2.0 hai. Wahin front camera 8MP ka diya gaya hai. Front aur rear dono hi camera mein aapko LED flash ka support milta hai. Phone mein object identification ke liye Google lens integration ka support bhi diya gaya hai. Iske alawa phone ka rear camera HDR support ke saath aata hai.

 

Phone ko Black, Platinum Grey aur Moroccan Blue color mein launch kiya hai. LG K12+ mein connectivity ke liye dual sim support with 4G LTE, Wi-Fi 802.11, Bluetooth 5, GPS ka option milta hai. Iss phone ko Brazil mein launch kiya gaya hai jahaan iski launching price BRL 11,99 (Rs 21,000 approx) rakhi gayi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: