LG Ne India Mein Launch Ki AI Technology Se Less Smart LED TVs Ki Nayi Range

LG ne India mein TV ki nayi range ko introduce kiya hai jo ki artificial intelligence se less hai. Inn TVs ko sabse pehle January mein CES 2019 event mein show kiya gaya tha. Introduce ki gayi nayi range mein Smart LED, UHD, Nano-cell aur OLED AI ThinQ model shaamil hai.

Inn TVs mein Google Assistant aur Amazon Alexa integrated milte hain, jisjki wajah se inhe voice command ke through bhi control kiya jaa sakta hai. Iske alawa nano-cell aur OLED TV mein Apple Home Kit integration bhi milta hai. Iski help se Apple devices ke home app aur Siri ke jariye TV ko control kiya jaa sakta hai. Inmein se kuch TVs Apple Airplay 2 ko bhi support karti hain.

Also Read : World’s First QLED 8K TV Launch In India 

Customers ke high quality, vibrant color demand ko dekhte huye company ne nano-cell TV ko introduce kiya hai. Iss TV mein diye gaye 2-way Bluetooth feature ke through user kisi bhi compatible device par wireless tarike se audio ko transfer kar music ya audio ko sun sakte hain. Yeh TV nano color, nano accuracy aur nano-bezels jaise features ke saath aate hain.  Sabhi Tvs mein aapko Amazon Prime Video, Hotstar, Netflix, Zee5, Hungama Play, AltBalaji,Youtube aur Eros Now jaise apps pre-loaded milte hain.

Inn TVs ki keemat Rs 24,990 se shuru hoti hai, jismein 32 inch TV aapko milta hai. Iske alawa top model ko Rs 10,99,990 mein purchase kiya jaa sakta hai jismein 77 inch TV aapko diya jaa raha hai.  LG OLED TV ki starting price Rs  2,09,990 rakhi gayi hai, wahin UHD TV ki keemat Rs 50,990 se shuru hoti hai. Nano-Cell TVs Rs. 82,990 ki shuruaati keemat ke saath available hongi.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: