LG G8 ThinQ Announced: Aapke Blood Veins Se Hoga Ye Phone Unlock

LG ne V50 ThinQ ke alawa do aur smartphones LG G8 ThinQ aur G8s ThinQ ko bhi MWC 2019 mein announce kar diya hai. Yeh phones kaafi rich look aur colour options ke saath launch kiye gaye hain. Iske alawa company ne inn phones mein kuch features ko kaafi intelligently design kiya hai jo ise baaki phones se alag banaate hain.

G8 ThinQ ka khaas feature hai ismein diya gaya hand id authentication. Iss feature ke through user ke hand ki veins (Nas) ko scan kar ke phone ko unlock kiya jaa sakta hai. Phone mein diya gaya infrared sensor user ke blood se hemoglobin information collect kar ke ek different image form karta hai jis ke through aap apne phone ko unlock kar sakte hai aur ye ek anokhi technique hai.

LG G8 ThinQ Specifications

Company ne iss phone ko 6.1 inch ki Quad HD+full vision OLED display ke saath present kiya hai, jismein 19.5:9 ka screen aspect ratio milta hai. LG G8 ThinQ Snapdragon 855 powered smartphone hai jise 7nm mobile platform par design kiya gaya hai. Behtar graphics ke liye ismein Adreno 640 GPU in-built kiya gaya hai. Storage ke liye aapko 128GB ki internal storage aur 6GB RAM ka support diya gaya hai. Iss phone ki expandable memory limit 2TB hai jo microSD card ki help se expand ki jaa sakti hai. Yeh phone triple rear camera ke saath aayega, lekin wahin iska low-cost dual rear camera version bhi market mein available hoga.

LG G8 ThinQ mein primary camera 12MP ka milta hai jiska aperture f/1.5 hai.  Phone ka secondary camera 16MP ka super wide angle camera hai jo ki f/1.9 aperture ke saath aata hai. Wahin third camera 12MP ka telephoto lens hai aur jis low-cost version ki humne upar baat ki hai,usmein aapko telephoto lens nahin milta hai. LG G8 ThinQ mein 8MP ka front facing camera diya gaya hai.  Yeh phone MIL-STD-810G certified hai. Iske alawa yeh phone water aur dust resistant bhi hai.

Phone mein 3500mAh ki battery di gayi hai jo ki Qualcomm quick charge 3.0 support ke saath aati hai. Charging ke liye ismein USB type-c 2.0 port diya gaya hai. Phone ki audio ko enhance karne ke liye company ne ismein boombox speaker diye hain jo ki stereo output provide karte hai. Iske alawa phone mein 3.5mm audio jack bhi milta hai. Saath hi ismein DTS:X 3D surround sound bhi diya gaya hai. Inn sabke saath hi connectivity ke liye ismein 4G VOLTE, Wi-Fi 802.11, Bluetooth 5 LE, NFC aur GPS ka support bhi milta hai.

LG G8s ThinQ Specifications

LG G8s aur G8 ThinQ mein kaafi specifications same hain jaise chipset, storage, front camera. Yeh phone 6.2 inch ki full vision FHD+ OLED display ke saath aata hai. Iss phone mein bhi aapko triple rear camera diya gaya hai lekin yahan primary camera 12MP ka hai. Secondary camera 13MP ka super wide angle camera hai aur 12MP ka hi ismein tele photo camera diya gaya hai. Yeh camera LED flash ke saath aata hai. Iss phone mein 3550mAh ki battery di gayi hai jo Qualcomm quick charge 3.0 ko support karti hai.

 

Inn dono hi phones mein front panel par 3D TOF sensor laga hua hai jo ki aapke hand ke motion ko recognise kar sakta hai. Saath hi dono phones 3D face unlock ko bhi support karte hain. Dono hi phones mein aapko rear mount finger print scanner ka option milta hai. LG G8 ThinQ ko company ne New Aurora Black, New Moroccan Blue aur Carmine Red colour mein announce kiya hai. Inn phones ki price ko le kar company ne koi bhi announcement nahi ki hai. Yeh phones March 2019 se sale ke liye market mein available honge.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: