LG Ne Announce Kiye LG K40s Aur LG K50s, Military STD 810G Certified Phones

LG ne MWC 2019 event mein LG K40 ar K50 smartphone ko launch kiya tha. Abhi IFA 2019 event se pehle hi LG ne LG K40s aur K50s smartphones ko launch kiya hai. LG K50s mein triple rear cameras aur LG K40s mein dual rear cameras setup diya gaya hai. Iske alawa dono phones ke rear panel par finger print scanner ka option diya hai. Dono phones mein DTS:X 3D surround sound ka support milta hai.

LG K50s Specifications 

LG KK50s mein 6.5 inch ki HD+ full vision display di gayi hai, jiska screen aspect ratio 19.5:9 milta hai. Iss phone mein aapko 2GHz ka Octa Core processor milta hai. Yeh phone Android 9 Pie operating system ke saath aata hai. Yeh phone MIL-STD 810G certified hai jo ki extreme conditions mein bhi achi tarah se perform kar sakta hai. Iss phone mein Google Assistant ke liye dedicated button diya gaya hai. Iss phone mein aapko 3GB RAM ke saath 32GB internal storage di gayi hai, jise aap 2TB tak expand kar sakte hain.

LG K50s mein 13MP ka primary camera, 5MP ka ultra wide angle camera aur 2MP ka depth sensor diya gaya hai. Phone mein front facing camera 13MP ka milta hai. Connectivity ke liye aapko iss phone mein dual 4G VoLTE, Wi-Fi 802.11 a/b/g/n, Bluetooth, GPS + GLONASS ka option mil jaata hai. Phone ko power dene ke liye 4000mAh ki battery di gayi hai.

LG K40s Specifications 

Yeh phone 6.1 inch ki HD+ full vision display ke saath aata hai, iska screen aspect ratio 19.5:9 milta hai. Yeh phone 2GHz Octa Core processor ke saath aata hai. Iss phone mein Android 9 Pie operating system diya gaya hai. Phone mein 32GB on-board storage ke saath 2GB RAM aur 3GB RAM ka option aapko milta hai. Phone ki storage ko microSD card ki help se 2TB tak expand kiya jaa sakta hai.

Phone mein primary 13MP ka aur secondary camera 5MP ultra wide angle lens ke saath diya gaya hai. Issi ke saath front facing camera 13MP ka milta hai. Yeh phone 3500mAh ke saath aata hai. Yeh phone bhi MIL-STD 810G certified hai, jo ki extreme situation mein bhi behtar perform kar sakta hai.

Yeh dono phones new Aurora Black aur new Moroccan Blue color mein announce kiye gaye hain. Next month IFA 2019 event mein show karne ke baad company inn phones ki price ko announce karegi. Jiske baad October se inn phones ke sale shuru ki jaayegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: