LG Q60, K40 Aur K50 Military Grade Certification Ke Saath Announce Huye

LG ne aaj two series mein smartphones launch kiye. Inn teenon phones ki khaas baat yeh ki inhe MIL-STD810G certified diya gaya hai. Jiska matlab yeh hai ki yeh phones extreme conditions mein bhi use kiye jaa sakte hain. In smartphones mein LG ki Q series mein launch hua Q60 aur K series ke two phones K40 aur K50 shaamil hain. Aaiye aapko inn teeno phones ke baare mein detail mein batate hain.

LG Q60

LG Q60 mein 6.26 inch ki HD+ display di gayi hai jo ki water drop notch ke saath aati hai. Iss phone ka screen aspect ratio 19:9 hai. Company ne iss phone mein 2GHz ka Octa-core processor diya hai, halaanki chipset unknown hai. Yeh phone 3GB RAM aur 64GB internal storage ke saath launch kiya gaya hai. Phone ki memory ko aap microSD card ki help se expand bhi kar sakte hain. Yeh phone 3500mAh ki battery ke saath aata hai. LG Q60 mein triple rear camera setup diya gaya hai. Phone mein primary camera 16MP ka milta hai ko LED flash ke saath aata hai. Iske alawa 2MP ka depth sensing camera aur 5MP ka ultra wide angle camera lens milta hai.  Front facing camera ke liye aapko iss phone mein 13MP ka sensor diya gaya hai. Iske alawa yeh phone connectivity ke liye Wi-Fi 802.11, bluetooth 4.2, GPS, GLONASS ko support karta hai.

LG K40

LG K40 mein aapko 5.7 inch ki HD+ 2.5D curved glass display di gayi hai. Phone ki screen ka screen aspect ratio 18:9 diya gaya hai. Iss phone mein aapko 2GB RAM aur 32GB internal storage milti hai.  LG K40 mein 16MP ka rear camera aur 8MP ka front facing camera LED flash ke saath milta hai. Phone mein 3000mAh ki battery di gayi hai. Iske alawa yeh phone dual sim support ke saath aata hai. Phone mein 4G VOLTE, Wi-Fi, bluetooth, GPS, GLONASS ka support bhi diya gaya hai.

 

LG K50

LG K50 mein 6.26 inch ki HD+ display milti hai jiska screen aspect ratio 18:9 diya gaya hai. Iss phone mein water drop notch display di gayi hai. Phone mein 2GHz ka Octa-Core processor diya gaya hai. Yeh phone 3GB RAM aur 32GB internal storage ke saath aata hai, jahan iss phone ki storage ko microSD card ki help se expand kiya jaa sakta hai. Phone mein 3500mAh ki battery di gayi hai. Photography ke liye iss phone mein 16MP ka primary camera with LED flash aur 2MP ka depth sensing secondary camera diya gaya hai. Iske alawa 13MP ka front facing camera aapko iss phone mein milta hai.

 

LG Q60, K50 aur K40 teeno hi phones mein rear panel par apko finger print scanner ka option milta hai. Iske alawa teeno phones mein DTS:X 3D surround sound support milta hai jo ki aapke gaming aur movies experience ko enhance karta hai. Teeno hi phones mein Google Assistant ke liye dedicated button bhi aapko milega.

Ye sabhi phones MWC 2019 mein LG booth par showcase kiye jayenge aur hopefully usi samay hum in teenon smartphones ki pricing details, chipset aur Android version jaan sakenge.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: