LG Ke Affordable W-series Phone Ki India Launch Date Announce Hui

LG apni affordable smartphone W- series ko jaldi hi India mein launch karne wala hai. Iss launch ka announcement company ne media invites aur Amazon.in par poster release kar ke kiya hai. W-series smartphone ko India mein 26th June ko launch kiya jaayega. Company ne kuch time pehle ek announcement ke through bataya tha wah jaldi hi India mein budget aur mid-range smartphone ko introduce karegi.

Amazon.in par iss phone ka notify page live kar diya hai. Live kiya gaye poster mein phone teen different notch ke saath dekha jaa sakta hai, jismein water drop notch, dot notch aur ek phone without notch dikhai de raha hai. Poster mein yeh bhi mention kiya gaya hai ki aap phone ki notch ko apni pasand ki according change kar sakte hain. Issi ke saath phone par triple rear cameras bhi dekhe jaa sakte hain. Yeh cameras AI technology ke saath introduce kiye jaayenge. Phone ke rear panel par finger print scanner bhi dekha jaa sakta hai.

Also Read : LG W-Series Leaks Details 

Issi ke saath poster mein phone ke teen color dekhe jaa sakte haih, jinmein Blue, Black aur Green color include hain. Inn sabhi phones ko behtar photography ke liye design kiya gaya hai jahaan yeh phone behtar wide angle, portrait mode aur low light picture click kar sakenge. Issi ke saath phone ki affordability ko highlight karte huye ek tag line “Pocket Worthy Price Tag” ko bhi mention kiya gaya hai. Expect kiya jaa raha hai yeh phone Samsung ki M-series ke bhadiya competitor saabit ho sakte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: