LG Flagship Smartphone G8 ThinQ Ki Price Announce Huyi

LG ne last month MWC 2019 mein apne kuch phones ko announce kiya tha jinmein se LG G8 ThinQ bhi ek tha. MWC 2019 show ke dauraan company ne iss phone ka price announce nahi kiya tha. Lekin, South Korea mein aaj company ne iss phone ki official price announce kar di hai, halaanki ye Korean price hai aur global price aana abhi baaki hai, lekin is kimat se aap India price ka bhi ek anumaan laga sakte hain. Yeh bhi bataya gaya hai ki South Korea mein yeh phone 15th-20th March tak pre-order ke liye available hoga. Company iss phone ki shipping 22nd March se shuru karegi.

LG G8 ThinQ last year launch kiye gaye phone LG G7 ThinQ ka successor hai. Company ne iss phone ko premium range aur features ke saath launch kiya hai. Phone mein 6.1 inch ki Full vision OLED display milti hai. Iss phone mein Qualcomm ka latest chipset Snapdragon 855 use kiya gaya hai jise 7nm mobile platform par design kiya gaya hai. Saath hi iss phone mein Adreno 640 GPU bhi aapko milta hai. Phone 6GB RAM aur 128GB internal storage ke saath aata hai. Iss phone ki expandable memory 2TB hai. LG G8 ThinQ mein Android 9.0 Pie operating system diya gaya hai.

Yeh phone triple rear cameras ke saath aata hai jahan aapko 12MP ka primary camera, 16MP ka super wide angle camera aur 12MP ka hi tele phone lens milta hai jo ki LED flash ke saath aata hai. Iss phone ke front panel par 8MP ka camera use kiya gaya hai jo ki 3D TOF sensor ke saath milta hai.    Iss phone ko MIL-STD 810G certification diya gaya hai jo yeh show karta hai ki yeh phone extreme conditions mein bhi behtar perform kar sakta hai. Saath hi yeh phone water aur dust resistant bhi hai.

 

LG G8 ThinQ mein 3500mAh ki battery di gayi hai jo ki quick charge 3 ko support karti hai. Charging ke liye iss phone mein USB type -c port milta hai. Phone mein 3.5mm headphone port bhi aapko diya gaya hai. Stereo output ke liye iss phone mein boombox speaker ka use kiya gaya hai. Phone mein security ker liye finger print scanner ke saath saath 3D face unlock ka use bhi kiya gaya hai, jo ki dark area aur low light mein bhi quick response karega. Connectivity ke liye iss phone mein 4G VOLTE, Bluetooth 5 LE, dual band Wi-Fi 802.11, GPS, NFC milta hai.

 

Yeh phone South Korean market mein KRW 897,600 (US$790/ Rs 55,280 approx.) ki price tag ke saath launch kiya gaya hai. Haanlaki yeh global  price nahi hai. Launch offer ke duaraan ki gayi purchasing par company iss phone ke saath ek phone cover aur ek saal ka screen replacement offer de rahi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: