LG Ne Confirm Kiya, 2 May Ko New York Mein Launch Hoga G7 ThinQ

LG G7 ko lekar pichle kayi samay se kaafi leaks aaye hain aur saath hi ye bhi sabhi jaante hain ki MWC 2018 mein ek private conference ke dauraan company ne G7 ko showcase bhi kiya tha. Filhaal, aaj LG ne ye confirm kar diya hai ki wo 2nd of May ko ek launch event mein G7 ThinQ ko introduce karenge.

Saath hi LG ne LG G7 ThinQ ka logo aur launch event dates hi share ki hain jinmein bataaya gaya hai ki G7 ThinQ ko 2nd May ko NewYork mein launch kiya jayega aur 3rd May ko Seoul, South Korea mein ye launch hoga.

Iske features ko leke jo rumors aa rahe hain unke according LG G7 mein ‘AI feature’ highlight hai aur saath hi ye bhi kaha ja raha hai ki is handset mein 16 MP ke two rear cameras hain jo 10 bit HDR compatibility ke saath aayenge. Company is smartphone ke camera ko ‘AI Cam’ kehkar promote karegi. Ye camera AI aapko chaar enhanced filter options provide karegi jinke dwara color, brightness aur saturation ke adhaar par aapko ek alag level ki optimization dikhegi.

Saath hi iske camera mein aapko shayad ‘SuperPixels’ naam ka feature bhi mile jiski madad se aap low-light mein better pictures click kar sakenge.

LG G7 ko lekar ye bhi khabrein hai ki ismein 6 inch ki Quad HD display hogi jo MLCD panel ke saath aayegi. Qualcomm ki flagship chipset Snapdragon 845ke saath aane waale is smartphone mein 6GB ki RAM aur 128GB ki storage ho sakti hai. Ummid hai ki iska front camera 8 MP ka hoga aur ismein jo battery aayegi usmein aapko fast charging aur wireless charging dono support milenge.

LG G7 India mein kab launch hoga iski abhi koi jaankaari nahin hai, lekin ye ek premium smartphone hai jiski kimat 50,000 INR kea as-paas hogi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: