LG G7 ThinQ Launched In India: First Impressions And Unboxing

LG ka G7 ThinQ bhi aaj India mein launch kiya gaya hai. Halaanki is smartphone ka global launch May 2018 mein hua aur uske theek three months ke baad aaj se ye India mein bhi available hoga. Is premium smartphone ka price 39,990 INR hai aur ye kewal Flipkart par hi available hai.

Aaiye dekhte hain ki G7 ThinQ jaise high-end smartphone ka first impression kaisa hai aur iske saath aapko box mein kya kya products milte hain.

Design and Unboxing

LG G7 ThinQ kharidne par aapko smartphone ke saath screen cleaning ke liye ek cloth, Quick Start guide, SIM Ejector PIN, 9V / 1.8A fast charger, Type-C USB cable aur in-the-ear earphones milte hain. Design ki baat karein to G7 ThinQ glass back ke saath aata hai aur dekhne mein kaafi elegant handset bhi hai. Iske rear panel par aapko vertically design kiye dual rear cameras, flash light, fingerprint scanner aur unke neeche G7 ThinQ ki branding milti hai. Front par sabse upar notch hai, jismein front camera moujood hai.

G7 thinQ ke right edge par power button hai aur left edge par Google Assistant button aur volume rockers diye gaye hain. Iske alawa top edge par aapko SIM tray, secondary mic aur antenna bands dikhaai denge. Wahin bottom edge par 3.5mm audio jack, primary mic, USB type-C port aur speakers moujood hain.

Display

G7 ThinQ mein 6.1-inch ki QHD+ display hai jo IPS LCD panel ke saath di gayi hai aur saath hi display par Corning Gorilla Glass 5 protection bhi hai. Iske alawa settings mein jaakar aap display ke colors bhi change kar sakte hain jiske liye yahaan echo, cinema, game, sports, etc jaise options bhi hain.

Quality ki baat karein to, display mein aapko viewing angles aur detailing bhi kaafi achhi milti hai.

Hardware and Software

Black color mein milne waale is smartphone mein Octa Core Qualcomm Snapdragon 845 chipset diya gaya hai aur saath hi Adreno 630 GPU bhi hai. Isi ke saath ismein 6GB ki RAM hai jismein se 3.5GB RAM available milegi aur 128GB internal memory di gayi hai jismein se 110GB free milti hai.

G7 ThinQ mein Android 8.1 Oreo software diya gaya hai aur company ke according ismein Android P bhi aayega.

Yahaan humein performance ke baare mein bataane ki zaroorat nilkul nahin hai, kyonki Snapdragon 845 chipset aur Android Oreo dono ke saath aapko performance se to koi shikayat nahin hone waali.

Camera

LG G7 ThinQ mein 16 + 16 MP ka dual rear camera setup hai jo LED flash light, bokeh effect aur AI cam jaise feature ke saath aata hai. Ismein aapko inbuilt Google lens bhi milte hain jisse pictures mein kaafi improvement bhi milegi. Isi ke saath humne iske rear cameras se jo pictures click ki hain, unmein kaafi achhi detailing,sharpness aur color dekhne to mile hain, saath hi AI cam se photo lene par ye object aur scenes ko detect bhi karta hai. Iske alawa iska portrait mode bhi aapko achhe results hi dega.

G7 ThinQ mein 8 MP ka front camera hai aur ismein bhi AI cam aur portrait mode moujood hai. is handset ke selfie camera ka result bhi kaafi accha hai aur ye aapko natural colors ke saath detailing aur bright selfies provide karta hai.

Battery

G7 ThinQ mein 3000mAh ki battery hai aur saath hi fast charging support bhi hai. Halaanki abhi iski battery testing humne nahin ki hai. Iske alawa aapko yahaan fingerprint scanner aur face unlock feature bhi milte hain jo kaafi fast aur responsive hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: