100 MP Camera & 5G Connectivity Ke Saath April Mein Launch Hoga Lenovo Z6 Pro

Iss competition ke time mein smartphone companies apni devices ko dusro se behtar banane mein lagi huyi hai. Technology ko upgrade karte huye Lenovo bhi iss race mein shaamil ho chuka hai. Lenovo ke upcoming smartphone Z6 Pro ke liye rumors aana shuru ho gayi hain. Company ke CEO Chang ke dwara Weibo  account par post ki gayi image mein phone ki kuch specifications ko show kiya gaya hai. Phone ki highlight mein iska camera hai jo ki 100MP ka bataya jaa raha hai. Iske alawa yeh phone 5G network support ke saath bhi launch kiya jaa sakta hai. Lenovo Z6 Pro company ka flagship phone ho sakta hai.

 

 

Phone ke camera ko le kar company ne apne Weibo account par hashtag ke saath ek Chinese word ko use kiya hai jiska english mein meaning ‘Billion Pixels’ hota hai. Ek Billion Pixels ki value 100MP ke equal hoti hai. Company ne iss word ko tab post kiya hai jab Qualcomm ne yeh announcement ki hai ki uski latest chipset 100MP resolution wali pictures ko click kar sakegi. Aisi condition mein camera multiple shots ko single frame mein combine kar deta hai. Jisse large capacity ki picture click ki jaa sakti hai.  Iske alawa company ne ‘Hyper Video’ feature bhi mention kiya hai. Iss feature ke saath expect kiya jaa sakta hai ki iss phone ka camera ‘Super Micro Mode’ ko bhi support karega.

 

Haalanki phone mein use kiye jaane wale chipset ke baare mein company ne koi jaankari nahi di hai lekin expect kiya jaa raha hai ki iss phone mein Snapdragon 855 processor use kiya jaa sakta hai. Iske alawa yeh phone 12GB RAM aur 512GB internal storage ke saath market mein utaraa jaa sakta hai. Saath hi 5G support ke liye company ismein Qualcomm ke X5 modem ka use kar sakti hai, jiska use foldable phones mein bhi kiya jaaega.

 

Comapny iss phone ke 5G aur non-5G dono hi variant ko launch kar sakti hai. Rumors ke according bataya jaa raha hai ki iss phone ke 5G variant ko June 2019 tak launch kar diya jaaega wahin 4G variant ke liye users ko thoda aur wait karna hoga. Company iss phone ko premium range mein announce kar sakti hai jahann iss phone ki expected price INR 55K se 60K tak maani jaa rahi hai. Agar company ise phone ko 100MP resolution ke saath launch karti hai to market mein aane wala yeh pehla 100MP wala phone ban jaaega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: