In-display Camera Ke Phone, Lenovo Z5s Ki Hands-On Photos Aur Video Clip Huyi Leak, Next Month Launch Expected

Trend mein aane wale in-display camera ko le kar aaye din koi nayi news sunne ko mil hi jaati hai. Wahi aaj fir ek leak huyi image aur video clip mein yeh in-display camera Lenovo ke Z5s phone mein dekha gaya hai. Lenovo Z5s ki leaked images mein in-display camera hole ko aap centre top par dekh sakte hain. Wahin ye images is smartphone ke ultra slim bezels ko bhi darsha rahi hain.

 

 

 

 

 

 

 

 

 

 

 

 

 

Reports ki according maana jaa raha hai ki iss phone mein 6.3 inch ki screen di jaaegi. Wahi rumors hai ki Lenovo Z5s triple rear camera setup ke saath launch ho sakta hai. Agar rumors sahi hain hai to, Lenovo ki taraf se triple camera ke saath aane wala yeh pehla phone hoga. Saath hi maana jaa raha hai ki yeh phone Qualcomm ke Snapdragon 8150 Soc processor ke saath launch kiya jaa sakta hai.

Iske alawa leak huyi video clip mein ek user phone ko use karte huye dikhai de raha hai. Jaha phone ka user interface kaafi smooth run karta hua dikhai de raha hai. Abhi tak baaki phones ki leaks huyi images mein in-display camera phone ke top left corner mein dikhaya gaya hai. Wahi Lenovo Z5s mein ise centre mein design kiya gaya hai.

Lenovo Z5s December mein launch hone wala hai lekin company ne abhi tak iski official launch date announce nahi ki hai. December mein Lenovo ke alawa Huawei bhi apna ek phone launch karne wali hai, jo Huawei Nova 4 hai aur in-display camera ke saath hi aane wala hai. Well, dekhna ab ye hain ki kaun si company world ka first in-display camera wala phone karegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: