Lenovo Z5s Ke Kuch Specs Aur Camera Samples Reveal: 18th December Ko Hoga Launch

Lenovo ke naye smartphone, Z5s se sabhi fans ko kaafi expectations hain aur ye kaafi samay se rumors ke beech bana hua hai. Lenovo Z5s December 18, 2018 ko launch hone jaa raha hai aur abhi tak Chinese social networking site Weibo par iske four teaser posters bhi nazar aa chuke hain.

Is smartphone ke baare mein jo abhi tak pata chal saka hai, use hum yahaan aapke saath share karne jaa rahe hain.

  • Lenovo Z5s mein Qualcomm ka naya chipset Snapdragon 678 dekhne ko milega aur ye Android 9.0 Pie OS ke saath aayega.
  • Teaser poster ke according is smartphone mein 8GB se jyada RAM hogi. Yaani ki Lenovo Z5s mein aapko 10GB RAM mil sakti hai.
  • Iske alawa aaj company ke official account se Weibo par is smrtphone ke camera samples bhi share kiye gaye hain, jo ye darshaate hain ki Lenovo Z5s mein triple rear cameras diye jayenge.
  • Isi ke saath ye bhi daava kiya jaa raha hai ki Lenovo Z5s ke triple rear cameras se aapko Mi 8 ke mukaable, achhi pictures mil sakti hai.
  • TENAA certification site ke according, is handset mein aapko 6.3 inch ki display dekhne ko milegi, jo waterdrop notch ke saath aayegi.
  • Saath hi iske another teaser se company ka ishaara ye bhi hai, ki ye ek gaming smartphone hai.

Iske alawa is handset ki battery, storage, etc. abhi pata nahin chali hai. Lekin saamne aaye jo bhi specs hain, unse ye ek mid-range smartphone nazar aa raha hai, jo powerful specs ke saath packed hai. Well, iski complete details to aapko launch ke samay pata chal hi jayengi aur tab tak ke liye thoda intezaar rakhiye.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: