Lenovo Ka Naya Smartphone Z5 Pro: Four Cameras Aur Slider Mechanism Ke Saath Jaldi Hoga Launch

Lenovo company ka upcoming phone Lenovo Z5 pro 1st November ko launch hone wala hai. Customers ki curiosity ko banaye rakhne ke liye company ke CEO ne launching ke 1 week pehle se hi phone ke posters ko release karna shuru kar diya hai. Initial week mein unhone kuch poster release kiye the jismein yeh dikhai de raha tha phone mein kis chipset ka use kiya jaa raha hai.

Aur ab haal hi company ke CEO ke dwara release kiye gaye kuch aur posters se aur bhi jaankari saamne aa rahi hai. To aaiye jaante hai iske baare mein.

China mein launch hone wale Lenovo Z5 pro ke iss poster mein dikh rahi picture se ye clear ho jaata hai ki iss phone mein aapko sliding mechanism based camera option milega jo ki kaafi hadd tak Oppo Find X ki dikhta hai. Sliding mechanism camera ka trend kaafi bhadta hua nazar aa raha hai.

Camera section mein aapko dual front facing camera aur dual rear cameras milenge. Release poster par chinese languages mein bataya gaya hai ki yeh sliding camera 3,00,000 times se bhi jyada up- down slide kar sakta hai, yaani ki company ne aapke is sawaal la jawaab pehle hi de diya hai, ki sliding mechanism kitne din chalega, ya iski kya quality hai.

Lenovo Z5 pro ke poster mein security chipset ko le kar bhi kuch details di gayi hai, jo ki batati hai ki yeh security purpose ke liye bhi kaafi high integrated protection ke sath aayega. Phone mein sliding mechanism ko dete huye ‘Double Helix’ slider ka use kiya gaya hai jo ki 6 guidance sensors ke sath aata hai.

Expect kiya jaa raha ki iss phone mein aapko in-display fingerprint sensor milega, kyun ki back panel par kisi bhi tarah ka fingerprint sensor cutout nahi diya gaya hai.

Release kiye gaye poster mein chipset par ‘Turbo’ mention kiya gaya hai. Company ne iss chipset ke liye koi bhi details mention nahi ki hai. Haalanki iss tarah ki chipset ka use high end phones mein kiya jata hai. Isse expect kiya jaa sakta hai ki Lenovo Z5 pro ek premium segment phone ho sakta hai. Last poster mein bataya gaya tha ki yeh phone 6.5 inch ki display ke sath 2280×1440 resolution mein launch kiya jaaega. Jaha ismein Snapdragon 845 processor use kiya gaya hai. Sath hi iss phone mein 4000mAh ki battery di gayi hai.

Indian market mein iss phone ki availability ko le kar koi bhi update nahi hai. China mein 1st November ko launch hone ke baad yeh dekhna interesting rahega ki kya yeh ek premium segment phone hoga.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: