Poco F1 Ka Competitor, Lenovo Z5 Pro Slider Mechanism, In-display Fingerprint Sensor Aur Four Cameras Ke Saath Announce Hua

Oppo Find X ke baad, sabhi leading companies ka focus slider cameras par hai. Xiaomi aur Vivo ke baad, aaj Lenovo ne bhi apna naya mid-range smartphone Lenovo Z5 Pro, slider mechanism ke saath announce kiya hai.

Is smartphone ki achhi baat ye hai ki 1998 yuan (lagbhag 21,000 INR) ke price par ye aapko in-display fingerprint aur slider cameras jaise features provide karta hai.

Aaiye Lenovo Z5 Pro ki detailed specs par daalte hain ek nazar:

Design and Display

Lenovo Z5 Pro mein 6.39 inch ki full HD+ Super AMOLED display hai, saath hi is par Corning Gorilla Glass protection bhi di gayi hai. 19.5:9 aspect ratio ke saath ismein 2.07mm ultra narrow bezels hain. Iske rear panel par center mein dual rear cameras hain aur dual front cameras, slider mechanism mein diye gaye hain.

Hardware and Software

Lenovo Z5 Pro mein latest mid-range chipset Octa Core Qualcomm Snapdragon 710 10nm processor hai. Iske two cores 2.2 GHz par aur other six Kryo cores ki clock speed 1.7 GHz hai. Saath hi ismein Android 8.1 Oreo OS hai aur saath hi ZUI 10 bhi moujood hai.

Iske alawa ismein 6GB ki RAM aur 64GB / 128GB storage di gayi hai.

Camera And Battery

Lenovo Z5 Pro mein dual rear cameras hain. Ismein 16 MP ka main primary rear camera hai, jo dual tone LED flash light, Sony IMX519 sensor aur f/1.8 aperture ke saath aayega. Saath hi iska 24 MP ka secondary camera, Sony IMX576 sensor aur f/1.8 aperture ke saath aayega.

Ismein 16+8 MP ke dual front cameras hain jismein f/2.2 aperture aur face unlock jaise features included hain. Iske alawa ismein 3500mAh ki battery di gayi hai, jo ki non removable hai.

Other features

Ye ek dual SIM smartphone hai, jo dual 4G VoLTE support ke saath aayega. Saath hi ismein in-display fingerprint scanner moujood hai. Iske alawa connectivity options mein Wi-Fi 802.11 ac, Bluetooth 5.0, GPS + GLONASS, USB Type-C port, NFC aur 3.5mm headphone jack shaamil hain.

Price and Availability

6GB+64GB – 1998 yuan (approx. 21,000 INR)

6GB+128GB – 2298 yuan (approx. 24,500 INR)

Lenovo Z5 Pro China mein 11th November 2018 se available hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: