Lenovo Z5, 6.2- inch 19:9 Display Aur 6GB RAM Ke Saath 1299 Yuan Ki Kimat Par Announce Hua

Lenovo ke Z5 smartphone ka logon ko kaafi intezaar tha, jise aaj company ne China mein launch kar diya. Z series ke under launch huye is smartphone mein 19:9 ratio ke saath bezel-less display hai aur front aur rear dono cameras mein AI feature bhi moujood hai.

Lenovo Z5 mein bhi two storage options hain, jismein Aurora Blue aur Indigo Blue color options 64GB storage ke saath 1399 yuan mein available honge, jabki Black color ka Lenovo Z5 64GB storage ke saath 1299 yuan mein kharida jaa sakega. Iska 128GB storage variant 1799 yuan ki kimat par launch kiya gaya hai. China mein ye handset 12 June se available hoga.

Lenovo Z5 mein 6.2- inch ki full HD+ 2.5D curved glass display di gayi hai, jis par Corning Gorilla Glass protection bhi moujood hai. Ismein Octa Core Qualcomm Snapdragon 636 processor diya gaya hai jiski clock speed 1.8 GHz hai, saath hi Adreno 509 GPU aur 6GB ki RAM bhi moujood hai.

Lenovo Z5 mein 16 MP ka rear camera diya gaya hai jo LED flash light, f/2.0 aperture, AI support, PDAF aur depth focus ke liye 8 MP ke rear camera ke saath aayega. Iska front camera bhi 8 MP ka hi hai jo AI beautification mode, f/2.0 aperture aur face unlock feature ke saath diya gaya hai.

Ye ek hybrid dual SIM slot wala smartphone hai jo ki Android 8.1 Oreo par chalta hai jis par ZUI 3.9 interface moujood hai. Face unlock ke saath saath ismein aapko rear mounted fingerprint scanner bhi mil raha hai aur iski battery capacity 3300mAh ki hai jo fast charging support ke saath aati hai.

Connectivity features ki baat karein to ismein 4G VoLTE, 3G / HSPA+, EDGE / GPRS, Wi-Fi 802.11 ac, Bluetooth 5.0, GPS / GLONASS, USB Type C port aur 3.5mm audio jack.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: