Lenovo Ne Introduce Kiya World Ka First Foldable Laptop, Lenovo Thinkpad X1

2019 ki starting mein humne sabse pehle Samsung ke foldable smartphone Galaxy Fold ko dekha tha lekin ab Lenovo ne ek foldable laptop ko introduce kiya hai. Haalanki abhi yeh sirf ek prototype hai lekin company ise next year 2020 mein officially launch kar degi. Neeche dikhai de rahi video mein aap iss laptop ko dekh sakte hain. Video mein yeh clearly dekha sakta hai ki iss laptop ko beech se fold kiya jaa sakta hai jiske baad iski width half rah jaati hai. Issi ke saath yeh world ka first foldable laptop bhi ban jaata hai.

 

Company iss laptop ko ThinkPad X1 ke naam se launch karegi. Iss laptop mein aapko 13.3 inch ki OLED 2K display di jaayegi jise LG company ke saath collaboration  kar ke design kiya gaya hai. Saath hi ismein Windows operating system diya jaayega. Iss laptop mein aapko intel based processor dekhne ko milega. Iss laptop ko design karne ka main reason portability hai jis se user hamesha ek perfect PC ka experience le sakein aur  apne saath le kar bhi chal sakein. Fold karne ke baad iska size ek normal tablet jitna rah jaata hai. Iske alawa aap ise same full size screen mein apne office bag mein bhi carry kar sakte hain. Dikhai de rahe video mein aap iss ke top border par install camera dekh sakte hain saath hi outer border par power button bhi visible hai.

 

Input ke liye aapko ismein touch screen key-board ka option milega saath hi aap ismein external wired aur wireless key board aur track pad bhi attach kar sakenge. Company ne iska weight nahi bataya hai lekin yeh mention kiya ki iska weight 1 Kg se kam rakha jaayega. Company iss device ko premium range mein launch karegi lekin abhi iski price ko le kar  koi update nahi di gayi hai. Company ne yeh bhi bataya hai ki wah iss project par last 3 years se kaam rahi thi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: