Lenovo Ne China Mein Launch Kiya Lenovo K6 Enjoy Edition Smartphone, Triple Rear Camera Ke Sath Aane Wala Budget Smartphone

Lenovo ne K6 series ke ek aur naye smartphone Lenovo K6 Enjoy Edition ko China mein launch kar diya hai. Phone ki highlight mein ismein diya gaya triple rear camera hai. Iske alawa phone mein rear panel finger print scanner ka option bhi diya gaya hai. Camera mein AI face detection, AI scene detection jaise features aapko mil jaate hain. Iss phone mein water drop notch display di gayi hai. Notch display ke bawjood aapko phone mein kaafi kam bezels dekhne ko milti hain.

 

Lenovo K6 Enjoy Edition mein 6.22 inch ki HD+ display di gayi ha, jiska screen aspect ratio 19:9 diya hai. Saath hi phone ki display mein  2.5D curved glass ka use kiya gaya hai. Iss phone mein aapko 2Ghz Octa Core MediaTek Helio P22 chipset dekhne ko milta hai jiske saath 650MHz IMG Power VR GE8320 GPU ka use kiya gaya hai. Yeh phone dual hybrid sim support ke saath aata hai. Iske saath hi phone mein Android 9.0 Pie based ZUI operating system milta.

 

Lenovo K6 Enjoy Edition mein triple rear camera setup diya gaya hai. Phone mein primary camera  13MP ka milta hai jiska lens aperture f/2.0 hai saath hi yeh LED flash ke saath aata hai. Secondary camera 5MP ka diya gaya hai jo ki depth sensor ke saath aata hai aur third camera 8MP ka diya gaya hai jo ki tele photo lens ke saath aata hai. Iske alawa front facing camera bhi 8MP ka diya gaya hai jo ki behtar AI portrait shots click kar sakta hai.

 

Is phone ko company ne 2 storage variants mein announce kiya hai jahaan aapko 4GB RAM ke saath 64GB internal storage aur 128GB internal storage dekhne ko milti hai. Phone ki storage ko aap microSD card ki help se 256GB tak expand kar sakte hain.

 

Phone mein connectivity ke liye aapko dual band Wi-Fi, Bluetooth 5, GPS, ka support mil jaata hai. Saath hi yeh phone dual 4G VOLTE ko bhi support karta hai. Iss phone mein 3300mAh ki battery di gayi hai jo ki USB type-C charging port ke through charge hoti hai. Phone ka rear panel 3D gradient finish mein aata hai.

Company ne Lenovo K6 Enjoy Edition ko China mein Black aur Blue color mein announce kiya hai jahaan iss phone ki starting price CNY 1398 (Rs 14,300 approx.) rakhi gayi hai. China mein yeh phone sale ke liye available hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: