Lenovo Lekar Aa Raha Hai Naya Smartphone ‘The Killer Returns’: Chaliye Guess Karte Hain Phone Ka Naam

Kya aapko yaad hai, pichle saal ten-core processor ke saath launch hua Lenovo ka K8 Note aur iske kuch waqt baad aaye K8 aur K8 Plus. Pichle saal August aur September mein aaye the ye smartphone, aur aaj company ne phir se K series k ek smartphone ko India mein launch karne ki announcement ki hai. Lekin is smartphone ka naam announce nahin kiya gaya.

To chaliye, aap aur hum milkar is smartphone ka naam guess karne ki koshish karte hain.

Lagbhag ek saal baad, Lenovo India mein phir se koi K series ka smartphone launch karne jaa raha hai, lekin kya ye K8 Note ka successor ho sakta hai ya phir koi aur handset?

Company ne jo teaser out kiya hai, usmein likha hai “he KILLER Returns, Save The Date – 16th October 2018”. Yaani ki ye upcoming smartphone 16th October ko launch hoga. Saath hi is picture mein kewal itna dikhaaya gaya hai ki smartphone ke edges metal ke hain aur ye rounded edges ke saath aayega.

Lekin  iske alawa aur koi detail abhi tak saamne nahin aayi hai. Saath hi ye bhi expect kiya jaa raha hai, ki haal hi mein China mein launch hua Lenovo Z5 bhi, rebranded version (badale huye naam) ke saath India mein entry lega.

Well, ummid hai ki 16th October se pehle is handset ke kuch leaks to saamne aa hi jayenge aur hum aap tak in leaks ko zaroor pahuchaayenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: