Lenovo 6th December Ko Launch Kar Raha Hai, First In-Display Front Camera Phone; Kuch Features Leak Huye

Iss month kayi leading companies apne phones launch karne wali hain aur inmein aap kayi nayi technologies bhi dekhenge. Kuch launch India mein hone wale hain aur kuch India ke bahar. Samsung aur Huawei ke baad, ab Lenovo ne bhi apne next phone ki launch ki date confirm ki hai. Iss launch mein company Lenovo Z5s ko launch kar sakti hai, jo ki kaafi samay se rumors ke beecha bana hua hai.

Lenovo ka yeh event 6 December ko rakha gaya hai. Lenovo Z5s ki baat ki jaaye to yeh phone kuch samay pehle Chinese website TENNA par dekha gaya tha. Iss phone ki khaas baat yeh ki yeh phone in-display camera ke saath launch kiya jaa sakta hai. Saath hi expect kiya jaa raha hai ki iss phone mein triple rear vertical camera setup bhi aapko mil sakta hai. Leaks ke dauraan iss phone ki jyada specification saamne nahi aayi thi, lekin maana jaa raha hai ki yeh iss phone mein Snapdragon 855 processor diya jaa sakta hai.

TENNA website par leaks specifications mein saamne aayi details ki according iss phone mein 3210mAh ki battery aapko mil sakti hai. Saath hi yeh 6.3 inch ki screen ke saath launch ho sakta hai.

Jaha Samsung ke aane wale phone Samsung Galaxy A8s aur Huawei ke Nova 4 mein side corner in-display camera diya jaa sakta hai, wahin iss phone mein centre mein in-screen camera aapko mil sakta hai. Lenovo Z5s ko China mein 3C aur MIIT certification already mil chuka hai. Ab dekhna yeh ki yeh phone in-screen front camera aur triple rear set up camera ke alawa aur kis bhadidya feature ke saath launch kiya jaaega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: