Lenovo Ke Pocket Friendly Smartphones – Lenovo K9 Aur A5 Aaj India Mein Launch Huye

Lenovo ki K8 series to aapko yaad hogi hi, jo last year India mein launch hui thi, uske baad, aaj company ne K9 series mein handset launch kiya hai – Lenovo K9. Achhi baat ye hai ki ye handset pocket friendly hai. Flipkart exclusive is smartphone ko aap kuch hi dino mein Black aur Blue colors mein kharid sakte hain.

Saath hi Lenovo ne ek aur handset launch kiya hai, jo cheaper hai aur iska naam hai A5. Lenovo A5 ko bhi aap Flipkart se kharid sakte hain aur ye two versions mein launch kiya gaya hai.

Lenovo K9

Aaiye ab jaante hain, iske specs ke baare mein.

Lenovo K9 mein 5.7 inch ki HD+ display, 18:9 aspect ratio ke saath hai, lekin ismein notch design nahin hai. Top  and bottom bezels slightly thick hain, jabki side bezels kaafi slim hain. Is entry-level smartphone mein aapko 13 + 5 MP ka dual rear camera setup bhi milta hai aur 13 + 5 MP ka hi dual front camera setup bhi diya gaya hai. Dono hi front aur rear cameras mein flash light bhi hai.

Lenovo K9 mein Octa Core MediaTek Helio P22 MT6762 processor diya gaya hai, jo 2.0 GHz ki clock speed ke saath aayega. Iske alawa aapko yahaan par 3GB ki RAM aur 32GB ki storage mil jaati hai, jise aap 256GB tak badha bhi sakte hain.

Android 8.1 Oreo software par chalne waale is smartphone mein 3000mAh ki battery moujood hai aur yahaan aapko dual 4G VoLTE ka support bhi milta hai, jo ki abhi tak kayi mid-range handsets mein bhi nahin diya gaya hai.

Iske alawa Lenovo K9 mein rear mounted fingerprint sensor hai, jo ki center mein hai aur saath hi glassy back ke saath ye kaafi attractive bhi hai.

Is smartphone ke front aur rear cameras mein AI portrait mode bhi diya gaya hai, aur saath hi ye face unlock feature bhi support karta hai. Is handset mein aapko hybrid dual SIM slot milta hai, jo ki is price point par acceptable bhi hai.

Lenovo A5

Lenovo A5 mein 5.45 inch ki HD+ 18:9 display hai aur ye handset quad core MediaTek MT6739 CPU par chalta hai. Ismein aapko dual SIM slots milte hain aur ek dedicated microSD card slot bhi hai jo 256GB tak ke cards accept karta hai.

Lenovo A5 mein 4000mAh ki battery hai aur rear mounted fingerprint scanner bhi hai. Halaanki ismein dual nahin, single rear camera diya gaya hai jo ki 13 MP ka hai. Wahin front facing camera aapko 8 MP resolution ke saath milta hai. Dono cameras, f/2.2 aperture ke saath aayenge, lekin LED flash kewal rear camera ke saath hogi.

Price And Availability

Lenovo K9

  • Lenovo K9 mein kewal 3GB+32GB version hi aaya hai jiski kimat 8,999 INR hai.

Lenovo A5

  • Lenovo A5 ke 2GB+16GB variant ka price 5,999 INR hai.
  • Iske 3GB+32GB version ki kimat 6,999 INR hai.
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: