Leaks Mein Saamne Aaye Xiaomi Ke Naye Smartphones, Mi Note 10 & Note 10 Pro Ke Specs

Xiaomi next month Mi Note 10 series ko launch karne wala hai, jahaan iss phone ko sabse pehle Poland mein 14th November ko launch kiya jaayega. Leaks mein bataya jaa raha hai ki company  Mi Note 10 ke saath saath Mi Note 10 Pro ko bhi launch kar sakti hai. Rumors ki maane to yeh phone China mein launch hone wale Mi CC9 Pro ka global variant ho sakta hai. Mehak Goaswami ne apne twitter account par Mi Note 10 aur Note 10 Pro ke specs details ko share kiya hai.

Leaked specs mein bataya gaya hai ki dono hi phones mein primary rear camera 108MP ka dekhne ko milega. Donon phones ke camera mein major difference optical zoom ka dekhne ko mil sakta hai, jahaan Mi Note 10 mein 2X optical zoom aur Mi Note 10 Pro mein 5X optical zoom dekhne mil sakta hai

Iske alawa Mi Note 10 mein company Qaulcomm Snapdragon 730G processor ko use kar sakti hai, isi ke saath aapko iss phone mein 6.4 inch FHD+ AMOLED display di jaa sakti hai. Iss phone mein aapko UFS 2.1 storage offer ki jaa sakti hai, to wahin charging ke liye aapko iss phone mein 30W fast charging ka support mil sakta hai.

Baat karein Mi Note 10 Pro ke leaked specs ki to ismein company 6.7 inch ki AMOLED display ka use kar sakti hai jahaan screen ka refresh rate 90Hz hoga. Iske alawa yeh phone Qaulcomm Snapdragon 855+ chipset powered ho sakta hai. Iss phone mein aapko UFS 3.0 storage offer ki jaa sakti hai.

Inn sabhi specs ke alawa 108MP+16MP+12MP rear camera, 32MP front facing camera , 4000mAh battery, 6GB RAM, 128GB internal storage, IR , NFC jaise feature donon hi phones mein common dekhne ko mil sakte hain. Lekin agar baat karein battery ki to leaks ki according Mi CC9 Pro mein company 5170mAh ki massive battery de sakti hai, jo ki inn donon phones se different hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: