Leaks Mein Saamne Aaye Samsung Galaxy A91 Ke Specs

Last month Samsung ne Galaxy A90 5G ko launch kiya tha. Launch ke baad humein iss phone ke successor Samsung Galaxy A91 ki rumors bhi dekhne ko mili thi. Ab ek baar fir se iss phone se judi rumors dwara dekhne ko mil rahi hain. Iss phone ko SM-A915F model number ke saath ek certification website par spot kiya gaya hai.

Leaked rumors mein saamne aaya hai ki, yeh phone 6.7-inch Full HD+ Infinity-U Super AMOLED display  ke saath launch kiya jaa sakta hai. Isi ke saath phone mein humein Octa-Core Qualcomm Snapdragon 855 7nm Mobile Platform chipset diya jaa sakta hai. Phone mein humein 8GB RAM ke sath 128GB internal storage bhi dekhne ko mil sakti hai.

Phone ki main highlight mein iski charging technology hai, jismein bataya gaya hai yeh phone 45W fast charger ke saath launch kiya jaa sakta hai. Iss phone mein triple rear camera setup diya jaa sakta hai, jahaan primary camera 48MP ka dekhne ko mil sakta hai. Iske alawa secondary camera 12MP ka 123° ultra wide angle lens ke saath aur third camera 5MP depth sensor ke saath diya jaa sakta hai. Itna hi nahi, phone mein front camera 32MP ka offer kiya jaa sakta hai. Issi ke saath phone mein 4500mAh ki battery aur in-display finger print scanner bhi dekhne ko mil sakta hai.

Well, yeh sabhi specs humein rumors ke through dekhne ko mile hain. Actual specs ko dekhne ke liye humein launch ka wait karna hoga. Expect kiya jaa raha hai ki Samsung Galaxy A91 ko sabse pehle Indian market mein hi introduce kiya jaa sakta hai. Haalanki ki phone ki launch date ko le kar abhi koi jaankari saamne nahi aayi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: