Leaked Video Mein Reveal Hua Oppo F11 Pro Ka Complete & Stunning Design

Oppo jaldi hi India mein Oppo F9 Pro ka successor launch karne jaa rahi hai. Is smartphone ko Twitter par jamkar tease bhi kiya jaa raha hai aur launch se pehle hi, rumors ye hain ki ye smartphone upcoming Vivo phone V15 Pro ka achha competitor ban sakta hai. Lekin is smartphone ke complete look ka sabhi ko intezaar hai, jo aaj ek alleged video mein saamne aaya hai.

Haal hi mein YouTube par publish huyi ek video mein Oppo F11 Pro ka stunning look saamne aaya hai, jiske according is smartphone mein dual rear sensors aur LED flash light, center mein diye gaye hain, jo vertically fitted hain. Inke thik neeche rear mounted fingerprint sensor bhi hai. Iske alawa, is video ke according, is smartphone mein aapko pop-up selfie camera milega.

Saath hi is nayi allged video mein Oppo F11 Pro ke two color options saamne aaye hain, jinmein Thunder Black aur Aurora Green shaamil hain. Is handset mein bhi minimal bezels ke saath amazing full screen view hai. Isko lekar company ne apne Twitter handle par kal ek image bhi post ki hai.

Oppo F11 Pro mein 48 MP ka rear camera hoga, jo ki company confirm kar chuki hai aur saath hi low light photography ko behtar banaane ke liye Super Night mode bhi diya jayega.

Halaanki Oppo ke haal hi mein launch huye Oppo K1 ko Indian market mein achha response mila hai, lekin aane waala Oppo F11 Pro, apni jagah bana payega ya nahin, ye to iska price aane par hi pata chalega, jiske liye humein kuch samay ka intezaar to karna hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: