Leak Huye Naye Redmi Note 8T Ke Color Options, Specs & Design: Jaldi Hi Ho Sakta Hai Launch

Redmi ne haal hi mein India mein Redmi Note 8 & Note 8 Pro ko launch kiya hai. Ab lagta hai ki company isi series mein naya smartphone launch karne ki taiyaari mein hai, jiska naam Redmi Note 8T hoga. Is handset ke leaks lagataar internet par bane huye hain aur iske design, specs aur color options bhi inhin leaks mein reveal ho chuke hain.

Well, ye handset leaked images mein bilkul Redmi Note 8 jaisa hi dikh raha hai, saath hi ismein bhi aapko quad rear cameras hi milne waale hain. Haal hi mein tipster Sudhanshu Ambore ne is handset ki images apne Twitter handle par share ki hain, jinhein aap neeche dekh sakte hain.

Maana jaa raha hai ki specs ke maamle mein bhi ye handset Redmi Note 8 jaisa ho hoga. Redmi Note 8T mein bhi aapko Octa core Snapdragon 665 chipset mil sakta hai.

Leaked images mein aap dekh sakte hain ki front par dot-notch di gayi hai aur slim bezels hain. Iske alawa rear panel par fingerprint scanner bhi moujood hai.

Isse pehle aaye leaks mein ye bhi saamne aa chuka hai ki ye handset 48MP primary rear camera ke saath aa sakta hai aur ismein 13MP ka selfie shooter milne ki ummid hai. Iske alawa front aur rear panel dono taraf aapko Corning Gorilla Glass 5 protection milega, full HD+ display hogi.

Yahaan par bataaya jaa raha hai ki ek major difference ye hoga ki Redmi Note 8 mein NFC support nahin hai, jabki Redmi Note 8T mein ye support diya jayega.

Well ab iske launch ko jaldi hi expect kiya jaa raha hai aur company ise Indian market mein bhi jaldi hi lekar aayegi, lekin price ke baare mein abhi koi hint nahin hai.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: