Leak Hui Galaxy S10 Ki Real Image; Screen Protector Ke Saath Kaam Nahin Kar Raha In-Display Fingerprint Scanner

Samsung ke upcoming flagship smartphone series ko lekar market mein kaafi excitement hain aur maana jaa raha hai ki Galaxy S10 aur S10+ innovative design aur improvements ke saath nazar aayenge. Wahin ye dono smartphones 5G connectivity ke saath launch kiye jayenge.

Halaanki Samsung is baar inhein MWC 2019 se 5 din pehle February 20 ko launch kar rahi hai. Lekin aaj ki khabar jo ki S10 ko lekar hai, aapko shayad thoda niraash kar sakti hai. Samsung Galaxy S10 aur S10 Plus mein in display front camera ya punch hole selfie camera diya gaya hai aur is baar ultra slim bezels ke saath display bhi dekhne mein khoob hai.

Jaisa ki aap jaante hi hain, ki Samsung ke ye first smartphones hain, jo ki in-display fingerprint scanners ke saath aa rahe hain. Lekin kuch leaksters aur kuch other sources ke through ye baat saamne aayi hai, ki Samsung ke Galaxy S10 mein screen protector ya tempered glass lagaane ke baad in-display fingerprint scanner kaam nahin kar raha hai. Isi ke saath Galaxy S10 ki ek leaked image bhi saamne aayi hai, jise aap upar dekh sakte hain.

Saath hi Twitter par Armadilotek ke according wo Galaxy S10 ki screen protector ke saath testing kar chuke hain aur ismein screen guard lagaane ke baad, in-display fingerprint scanner kaam nahin kar raha hai.

Aapka kya kehna hai, jahaan Vivo, OnePlus jaise handsets mein 40 to 50K ki range mein screen guard ke saath bhi in-display fingerprint scanner achha kaam kar raha hai, wahin Samsung Galaxy S10 mein is tarah ka fault acceptable nahin hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: