Leak Hua Vivo Apex 2019 Ka First Photo; Bezel-less Design Dekhkar Hairaan Honge Aap

Vivo ne kuch hi din pehle ye announce kiya ki wo Beijing, China mein 24th January ko ek launch event host karne jaa rahi hai aur expect kiya jaa raha hai ki company is baar naye invention ke saath apna naya smartphone Vivo Apex 2019 intorduce kar sakti hai.

Well, is smartphone ki khabarein abhi bas aani hi shuru hui hai aur koi specs detail bhi saamne nahin aayi hai. Aise mein aaj Vivo Apex 2019 ka first picture leak ho gaya aur is image mein aap amazing bezel-less design aur highest screen-to-body-ratio dekh sakte hain.

Company 24th Jan ke liye kuch media companies ko invite bhej chuki hai aur sabhi ko is din is amazing smartphone ka intezaar hai. Vivo ki taraf se Apex 2019 ko lekar abhi tak koi bhi official announcement nahin hui hai aur is naye device abhi tak “waterdrop phone” ke naam se tease kiya jaa raha hai. Waterdrop phone ke isse pehle jo teaser pictures saamne aaye, unmein more curved design ke saath, no physical button aur front aur rear panel ke beech mein koi line ya koi button nazar nahin aati.

Aaj saamne aaye image mein koi notch, koi front camera ya physical button aapko nazar nahin aayegi. Kewal display hai aur bezels bhi naa ke barabar hi hain. Is smartphone ke front ko dekhkar yahi lag raha hai ki company ne yahaan par slider mechanism / pop-up camera ka istemaal kiya hai. Iske alawa iske rear panel ka design abhi saamne aana baaki hai.

Aapko kya lagta hai, Vivo Apex 2019 kya waakyi mein ek future phone hoga ?

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: