Launch se Thik Pehle Realme U1 Ki Price Aur Color Options Leak Huye

Realme ka upcoming smartphone, Realme U1 kal India mein launch hone waala hai. MediaTek Helio P70 chipset ke saath launch hone waala, ye world ka first smartphone hai. Lekin launch se thik ek din pehle, yaani ki aaj Realme U1 ki price, color options aur storage versions leak ho chuke hain.

Realme U1, company dwara launch hone waali U-series ka first smartphone bhi hai, jismein 3GB RAM ke saath 32GB ROM aur 4GB RAM ke saath 64GB storage versions launch hone ki baat saamne aayi hai. Realme U1 three colors mein launch hoga – Ambitious Black, Brave Blue, and Fiery Gold. Ye ek affordable handset hoga, jiski price aap neeche check kar sakte hain.

Iske specs ki baat karein to company ye pehle hi confirm kar chuki hai ki Realme U1 ko sabse powerful selfie camera ke saath launch kiya jayega. Iske alawa Amazon India par Realme U1 ka jo page hai, usse ye bhi saaf zaahir hai ki ismein high resolution depth-engine aur accurate AI detection jaise features bhi honge.

Iske alawa Realme U1 mein 25 MP ka selfie camera diya jayega jo ki f/2.0 aperture aur Sony IMX576 sensor ke saath aayega. Ismein 6-inch ki full HD+ display aapko, 19.5:9 display ke saath milegi. Is smartphone mein aapko waterdrop notch milti hai aur rear mounted fingerprint sensor bhi hai.

Is handset mein 13+2 MP ka dual rear camera setup hai aur 4230mAh ki battery aane ki ummid hai. Iske alawa aapko ismein dual 4G VoLTE support bhi milne waala hai aur ye Android 8.1 Oreo OS par based Color OS 5.1 UI ke saath aayega.

Is smartphone ki jo price leak hui hai, uske according ye ek kaafi achha smartphone ho sakta hai. Iske 3GB+32GB version ki cost 11,999 INR hogi aur 4GB+64GB variant ka price 14,999 INR hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: