Vivo X27 Pro Ki Image Aur Features Launch Se Pehle Leak Huye, Vivo X27 Bhi Ho Sakta Hai Launch

Vivo iss month China mein Vivo X27 Pro ko launch karne ke liye ready hai. Iss phone ki teasing video company ne khud reveal ki hain. Reveal ki gayi video mein yeh phone Chinese model ke haath mein dikhai de raha hai. Iss video mein phone ki launch date bhi disclose ki gayi hai jo ki 19th March show ho rahi hai. Phone ke look se kaafi kuch details clear ho rahi hai, jismein yeh dekha jaa sakta hai ki phone pop-up selfie camera aur triple rear camera set-up ke saath launch ho sakta hai.

Image Credit : TENNA

Abhi iss phone ke 2 teaser video saamne aaye hain jinhe aap neeche dekh sakte hain. Pehle teaser mein yeh phone male model ke haath mein aur dusre teaser mein female model ke haath mein dikhai de raha hai. Dono hi teaser video mein phone ke 2 alag alag color variants dikhai de rahe hain, Jahan aap Blue aur White color dekh sakte hain. Leakster ke according Vivo X27 Pro ke saath company Vivo X27 ko bhi launch kar sakti hai. Haal hi mein yeh phone certification website TENNA par bhi dekha gaya tha jahan iss phone ki kuch specifications saamne aayi thi.

 

 

Leaks specs mein bataya gaya hai ki yeh phone 6.7 inch ki display, Snapdragon 710 chipset aur 8GB RAM aur 256GB in-built storage ke saath aa sakta hai. Saath hi listed information mein iss phone ka selfie camera 32MP ka bataya gaya hai jo ki LED flash ke saath aa sakta hai. Iske alawa yeh bhi mention kiya gaya tha ki yeh phone Android 9.0 Pie ke saath aa sakta hai. Phone ke triple rear camera setup-up mein aapko 48MP+13MP+5MP ka camera mil sakta hai, yeh bhi iss leak specs mein bataya gaya tha. Saath hi Vivo X27 Pro 4000mAh ki battery ke saath launch ho sakta hai jo 22.5W ki charging ko support karegi.

 

Company ne Vivo X27 Pro ka official poster apne Weibo account par share kiya hai. Phone ka look Vivo V15 Pro se kaafi match karta hai. Rumors ke according Vivo X27 mein front camera 16MP ka, rear primary camera 32MP ka diya jaa sakta hai. Iske alawa yeh phone Snapdragon 675 processor ke saath launch kiya jaa sakta hai.

Tipster ki according, inn sabhi features ke saath Vivo X27 Pro China mein CNY 3,998 aur Vivo X27 CNY 3,198 ki price tag ke saath launch kiya jaa sakta hai. Abhi iss phone ke India launch ke baare mein company ne koi update nahi di hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: