Launch Se Pehle Vivo 15 Pro Ka Complete Design Saamne Aaya: Leak Hua Promotional Poster

February 20 ko Vivo, India mein apna naya smartphone launch karne waala hai aur maana jaa raha hai ki ye handset V11 Pro ka successor V15 Pro ho sakta hai. Company is launch ke liye media invites bhej chuki hai aur us invite se clear hai ki upcoming smartphone pop-up selfie camera ke saath aayega.

Aaj ek publication dwara is smartphone ka promotional poster leak hua hai aur ismein Vivo V15 Pro ka complete design saamne aaya hai. Saath hi ye bhi saaf hai ki ye pop-up selfie camera 32 MP ka hoga. Saath hi ye ultra narrow bezels ke saath aayega, jaise ki aap upar di gayi image mein dekh sakte hain.

Iske alawa is image mein aap dekh sakte hain ki ye handset triple rear cameras ke saath aayega aur rear mounted fingerprint scanner bhi yahaan par nahin hai, iska matlab ki aapko in-display fingerprint sensor, is smartphone mein dekhne ko milega.

Well, is design ke alawa agar hum specs ki baat karein to kuch bhi confirm nahin hai. Lekin rumors ke according, V15 Pro mein Octa Core Qualcomm Snapdragon 710 chipset moujood hoga. Iske alawa ye 6.4 inch ki AMOLED display ke saath aa sakta hai aur ismein 3400mAh ki battery ho sakti hai. Iske alawa is handset ke baare mein abhi koi information nahin hai.

Ab aap soch rahe honge ki Vivo NEX ki tarah dikhne waale is smartphone ka price kya hoga, to hum aapko bata dein ki iska price Vivo NEX ke barabar nahin hoga, balki use kaafi kam hoga. Vivo V15 Pro ko India mein 25,000 INR to 30,000 INR ke price range mein launch kiya jaa sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: