Launch Se Pehle Samsung Galaxy M40 Smartphone Ke Sabhi Specs Aaye Saamne

Samsung iss month India mein M series smartphone Samsung Galaxy M40 ko launch karne wala hai. Phone ki teaser image humein Amazon.in par already dekhne ko mil chuki hai. Iske saath hi company ne kuch specs ko bhi reveal kiya hai. Samsung Galaxy M40 triple rear camera, punch hole selfie camera aur Snapdragon 6 series processor ke saath aayega, yeh sabhi  specs already humare saamne aa chuke hain. Rumors ki according company iss phone ke saath Samsung Galaxy A10s ko bhi launch kar sakti hai.

Abhi tak kuch rumors mein bataya gaya tha ki Samsung Galaxy M40 mein humein 5000mAh ki battery dekhne ko mil sakti hai, lekin haal hi mein  saamne aayi reports mein bataya jaa raha hai ki yeh phone 3500mAh ki battery ke saath launch kiya jaa sakta hai. Yeh news sammobile.com ke through saamne aayi hai. Issi ke saath yeh bhi bataya jaa raha hai ki Samsung ke iss phone mein 3.5mm headphone jack dekhne ko nahi milega, jiski wajah se phone ke saath earphones bhi nahi diye jaayenge.

 

Company iss phone ko Black, Blue aur Orange colors mein launch kar sakti hai. Yeh phone Android 9 Pie operating system ke saath announce kiya jaa sakta hai. Iske alawa phone mein milne wala triple rear camera setup 32MP+ 5MP+8MP ka mil sakta hai, saath hi front facing camera 16MP ka diya jaa sakta hai. Samsung Galaxy M40 ko company 6GB RAM aur 128GB internal storage ke saath launch kar sakti hai. Well, inn sabhi leaks ke baad iss phone ki final price aur specs humein 11th June ko dekhne ko milenge.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: