Launch Se Pehle Sale Ke Liye Available Hai Redmi Note 6 Pro, Sabhi Specs aur Price Reveal Huye

Xiaomi ke Redmi Note 6 Pro ki charcha to pehle hi shuru ho chuki thi, lekin kuch hi ghanton pehle leak huye ek hands-on video mein sabhi specs bhi leak ho gaye. Halaanki ab ye video YouTube se hata diya gaya hai. Lekin isse bhi badi khabar ye hai, ki launch se pehle hi Redmi Note 6 Pro Chinese leading retailer AliExpress par sale ke liye bhi available ho chuka hai.

Redmi Note 6 Pro ko AliExpress par detailed specifications ke saath list kiya gaya hai. Redmi Note 6 Pro mein notch ke saath 6.26 inch ki full HD+ display hogi. Iske alawa kal saamne aaya rumor bhi sahi hai, ki is smartphone mein four cameras aane waale hain. 12 + 5 MP ke dual rear cameras aur 20 + 2 MP ke dual selfie cameras. Dono hi cameras mein aapko portrait mode, LED flash light, PDAF aur HDR jaise features bhi milenge.

Lekin Redmi Note 6 Pro mein Snapdragon 660 chipset expect kiya jaa raha tha, magar ab ye Octa Core Qualcomm Snapdragon 636 processor ke saath aayega. Ye dual SIM smartphone Android 8.1 Oreo OS aur MIUI 10 ke saath launch kiya jayega. Saath hi iski battery capacity bhi 4000mAh hogi.

Redmi Note 6 Pro ko 3GB RAM + 32GB internal memory aur 4GB RAM + 64GB inbuilt storage options mein release kiya jayega. Is handset ki kimat $200 (approx. 15,000 INR) se start hogi. Saath hi ise Black, Blue, Rose Gold aur Red colors mein introduce kiya jayega.

Iske ek aur version ka bhi rumors mein jikr hai, jo 6GB RAM ke saath aayega, lekin iske baare mein abhi kuch bhi official nahin hai.

Ummid hai ki kal company Mi 8 Youth ke saath Redmi Note 6 Pro ko bhi officially launch karegi aur early 2019 mein ye India mein aa sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: