Launch Se Pehle Realme X Ki Official Image Ko Company Ne Kiya Post, Blue Aur White Color Mein Dikhai Diya Realme X

Realme jaldi hi apne flagship smartphone Realme X ko launch karne wala hai. Iss phone ko company sabse pehle China mein 15th May ko launch karne wali hai. Launch se pehle aaj iss phone ki official image humare saamne aa gayi hai. Share kiye gaye phone ke poster mein yeh clearly dekha sakta hai ki iss phone mein humein pop-up selfie camera dekhne ko milega saath hi yeh phone in-display finger print scanner ke saath bhi aane wala hai.

 

 

Phone ke rear panel par kisi bhi tarah ka finger print scanner cut nahi dikhai de raha hai. Poster mein yeh phone Gradient Blue aur White color mein dikha sakta hai jiske rear panel par dual camera setup diya gaya hai. Company ne bataya hai ki iss phone mein next generation finger print scanner ka use kiya gaya hai. Phone mein kisi bhi tarah ki notch ya punch hole dekhne ko nahi milega. Sources ki according iss phone ka screen to body ratio bhi aapko jyada diya jaayega.

 

Abhi tak saamne aayi leaks mein bataya gaya hai ki iss phone mein company 6.5 inch ki AMOLED notchless display de sakti hai jismein aapko full HD resolution dekhne ko mil sakta hai. Saath hi yeh phone VOOC 3.0 fast charging ke saath launch kiya jaa sakta hai. Iss phone mein 16MP ka front facing pop-up camera diya jaa skata hai saath hi primary rear camera 48MP ka Sony IMX586 sensor ke saath aur secondary camera 5MP ka diya jaa skata hai. Company iss phone ke saath ek aur phone ko launch kar sakti hai jiska naam Realme X Youth Edition aur Realme X Lite bataya jaa raha hai. Iss phone ko Chinese certification Website TENAA par already dekha jaa chuka hai jahaan iska model number RMX1901 bataya gaya hai iske alawa Realme X Youth Edition/ Realme X Lite maane jaa rahe phone ka model number bhi TENAA par dekha gaya hai jo ki RMX1851 bataya gaya hai.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: