Launch Se Pehle Leak Huyi Google Pixel 4 Aur Pixel 4XL Ki Price

2019 ka last quarter chal raha hai. Aise mein sabhi companies apne apne flagship, mid range aur affordable smartphones ko launch karne mein lagi huyi hai. Haal hi mein Samsung se le kar Apple tak ne apne apne smartphones ko launch kiya hai. Ab audience ko Google Pixel series ka wait hai. Aapko bata dein 15th October ko New York mein Pixel 4 Series ka launch event rakha gaya hai. Rumors ki maane to iss event mein company Google Pixel 4 aur Pixel 4XL phones ko launch kar sakti hai. Lekin launch se just ek week pehle hi inn smartphones ki price leak ki jaankari humare saamne aayi hai.

Iss leak ki information famous leakster Evan Blass ke through aayi hai, jismein unhone bataya hai ki inn phones ki Canadian price leak ho chuki hai. Rumors ki according  Google Pixel 4 aur Pixel 4XL mein aapko 64GB aur 128GB storage option dekhne ko milenge.

Leaked Price Of Google Pixel 4 & Pixel 4XL 

  • Google Pixel 4 64GB            –   CAD $1,049.95 
  • Google Pixel 4 128GB          –   CAD $1,199.95
  • Google Pixel 4 XL 64GB     –   CAD $1,199.95
  • Google Pixel 4 XL 128GB   –   CAD $1359.95

Abhi tak saamne aayi inn phones ki leaks images mein phone ke rear panel square camera module dikhai de raha hai, jismein dual camera diya gaya hai. Camera lens ke neeche LED flash aur upar Laser autofocus dikhai de raha hai. Phone ke rear panel par kisi bhi tarah ka physical finger print scanner nahi dikh raha hai. Iske chalte expect kiya jaa sakta hai ki phone mein in-display finger print scanner dekhne ko mile. Iss se pehle humein yeh leaks bhi dekhne ko mili thi ki Google apne upcoming phones mein advance face unlock technology ka use kar sakta hai.

Google Pixel 4 mein humein 5.7-inch ki FHD+ OLED display dekhne ko mil sakti hai, wahin Pixel 4XL mein company quad HD+ resolution wali 6.3-inch OLED display offer kar sakti hai. Yeh phone Snapdragon 855 chipset aur Android 10 OS ke saath launch kiye jaa sakte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: