Launch Se Pehle Leak Huye Oppo K5 Ke Sabhi Variants Ke Price

Oppo K3 ka successor smartphone Oppo K5 10th October ko launch hone wala hai. Lekin launch se pehle hi iss smartphone ki kuch leaks saamne aa gayi hain. Rumors ki according yeh smartphone do different storage variant mein market mein debut kar sakta hai. Inn donon hi variants ki price iss leak mein reveal ki gayi hai.

Image Credit : ithome.com

Leak ki according Oppo K5 mein humein 6GB RAM aur 8GB RAM ke option diye jaayenge, jiske saath aapko 128GB internal storage di jaayegi. Rumors ki maane to iss phone ke 6GB/128GB variant ki price CNY 1799 aur 8GB/128GB variant ki price CNY 1999 dekhne ko mil sakti hai. Previous leaks mein bataya gaya tha ki iss phone mein 8GB/256GB variant bhi diya jaa sakta hai, lekin iss variant ke price se judi koi jaanakri saamne nahi aayi hai. Iske alawa yeh bhi bataya jaa raha hai ki phone ke launch ke saath company promotional offer ke form mein OPPO MH135 earphones ka bhi de sakti hai.

TENNA listing ki according yeh phone 6.4 inch ki HD+ AMOLED display ke saath launch kiya jaa sakta hai. Itna hi nahi, phone ki display mein aapko in-display finger print scanner ka support bhi mil sakta hai. Rumors ki maane to iss phone mein company Qualcomm Snapdragon 730G mobile processor ko use kar sakti hai. Phone ke look se yeh baat confirm hai ki iss phone mein quad camera setup dekhne ko milega, jismein front facing camera 32MP ka diya jaa skata hai. Itna hi nahi, previous leaks mein bataya gaya tah ki iss phone mein company Samsung manufactured GW1 64MP  primary camera sensor ka use kar sakti hai, iske alawa secondary camera 8MP ka aur baaki ke do lens 2MP camera ke saath aa sakte hai.

Oppo K5 mein company 4000mAh ki battery offer kar sakti hai, jsike saath 30W VOOC 3.0 fast charging ka support diya jaa sakta hai. Well, 10th October ko iss event mein company Oppo K5 ke saath Oppo Reno Ace ko bhi introduce karegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: