Launch Se Pehle Hi Leak Huyi Realme X2 Pro Ki Hands On Images

Realme X2 Pro isi month China aur Spain mein launch hone wala hai. Jaisa ki hum aapko pehle hi bata chuka hain ki company iss phone ke specs ko dheere dheere reveal karna shuru kar chuki hai. Specs mein bataya gaya tha ki iss phone mein humein Snapdragon 855+ chipset, 90HZ refresh rate display aur 64MP camera milne wala hai. Abhi tak to yeh details hi humare saamne aayi thi, lekin aaj is phone ki hands -on photos bhi leaks ke through saamne aayi hai. Inn photos ko aap neeche dekh sakte hain.

Inn photos mein phone ke look ko aap poori tarah se dekh sakte hain. Realme iss phone ko kuch major changes ke saath launch karne wala hai, jis mein main difference humein Realme ke logo aur camera setup mein dekhne ko mil raha hai.

Teaser image se yeh baat bhi confirm ho jaati hai ki phone mein 4000mAh ki battery di jaayegi. Iske alawa phone 50W Super VOOC charging ke saath aayega. Well, dikhai de rahe photos mein  phone saath Realme Buds aur haal hi mein launch kiya gaya power bank bhi dikhai de raha hai. Phone mein abhi tak humein sirf Blue color hi dekhne ko mila hai. Phone ki display mein water drop notch bhi dekhne ko mil rahi hai. Teaser image mein phone ki display mein aapko in-display finger print scanner dekhne ko mil raha hai, jo ki hum pehle hi expect kar rahe the.

Inn sabhi details ke alawa aapko bata dein ki company ke CEO ne yeh announce kar diya hai ki yeh phone December mein India mein launch kiya jaayega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: