Launch Se Pehle Amazon.in Par Price Ke Saath List Hua Xiaomi Mi A3 Smartphone

Xiaomi apne Android smartphone Mi A3 ko 21st August ko India mein launch karne wala hai. Lekin launch se pehle hi iss phone ko accidentally  Amazon.in par list kar diya gaya tha, jahaan Amazon.in par daily show hone wali lightening deals mein iss phone ko price ke saath list kiya gaya tha. Website par list kiye gaye phone mein Mi A3 ke do variants ko mention kiya gaya tha.

Aapko bata dein ki yeh phone last month hi Spain mein launch kiya gaya hai. Issi week iss phone ka India mein launch hona baaki hai. Amazon par list kiye gaye Mi A3 ke 4GB/64GB ki variant ki price Rs 14,998 batayi gayi hai, iske alawa 6GB/128GB variant ki price Rs 17,498 batayi gayi hai. Website par iss phone ko More Than White, Not Just Blue aur Kind of Grey color mein list kiya gaya tha. Well, abhi iss phone ko list se remove kar diya gaya hai.

Baat karein iss phone ke specs ki, to Xiaomi Mi A3 mein 6.088 inch ki HD+ AMOLED display di gayi hai. Yeh phone Snapdragon 665 processor aur Adreno 610 GPU ke saath aata hai. Phone mein 7th generation in-display finger print scanner diya gaya hai. Iske alawa phone ke rear panel par aapko triple rear camera setup milta hai jismein primary camera 48MP ka Sony IMX586 sensor ke saath aata hai. Iske alawa secondary camera 8MP ke 118°ultra wide angle lens ke saath aur third camera 2MP ke depth sensor ke saath diya gaya hai. Mi A3 mein 4030mAh ki battery di gayi hai jo ki 18W ke quick charge support ke saath aati hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: