Launch Se Ek Week Pehle Hi Reveal Kiya Realme X2 Pro Ka Yeh Khaas Feature

Realme iss month apne premium specs wale smartphone Realme X2 Pro ko launch ki taiyari mein laga hua hai. Phone ki highlighted features ko company launch se pehle hi dheere dheere  reveal karna shuru kar chuki hai. Haal hi mein phone ke feature se hi judi ek detail ko company ne share kiya hai. Yeh jaanakri humare samane pehle hi aa chuki thi, ki iss phone mein quad camera setup diya jaane wala hai. Khaas baat yeh hai ki phone  mein diya jaane wala telephoto lens aapko, 20X Hybrid Zoom support ke saath diya jaa raha hai.

Realme ne bataya ki yeh phone apni price segment mein aane wala pehle phone hoga jismein aapko 64MP quad camera setup ke saath 20X Hybrid Zoom support bhi dekhne ko milega. Iske alawa yeh phone Qualcomm Snapdragon 855+ processor, 50W Super VOOC fast charging aur 90Hz refresh rate display ke saath launch kiya jaayega, yeh sabhi specs company pehle hi confirm kar chuki hai.

Inn sabhi specs ke saath iss phone ko BIS ki website par RMX1931 model number ke saath certification diya jaa chuka hai. Jiske chalte yeh expect kiya jaa sakta hai ki yeh phone European market mein launch hone ke baad India mein bhi jaldi hi entry le sakta hai. Behtar audio output ke liye iss phone mein aapko dual stereo speakers, Hi-Res audio aur Dolby Atmos ka support milega.

Well, inn sabhi flagship features ke sath yeh phone 15th October ko Europe mein launch kiya jaayega. Jiske kuch samay baad iss phone ki India mein entry expect ki jaa rahi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: