Launch Se Ek Din Pehle Hi Mi CC9 Pro Ke Sabhi Confirmed Specs Aaye Saamne

Xiaomi kal apne 108MP penta rear camera wale smartphone, Mi CC9 Pro ko launch karne wala hai. Lekin aaj launch se just ek din pehle hi phone ki kuch main specs details, company ke Weibo account par share ki gaye hain. Iss se pehle bhi TENNA listing mein phone ke kaafi specs ko reveal kiya jaa chuka hai.

Latest promo image se yeh clearly confirm ho jaata hai ki iss phone mein humein Qaulcomm Snapdragon 730G processor dekhne ko milega. Issi ke saath yeh bhi bataya gaya hai ki company iss phone mein ultra-thin screen in-display fingerprint scanner ka use karne wali hai jisse phone ke unlock rate aur bhi jyada behtar ho jaayenge. Iske alawa ek aur promo image mein yeh bataya gaya hai ki phone mein Hi-Res Audio diya jaayega, jis se sound experience aur bhi jyada enhance ho jaayega.

Inn sabhi latest details ke alawa company iss baat ki jaankari pehle hi de chuki hai ki phone mein 108MP ka primary rear camera dekhne  ko milega. Saath hi yeh phone 5260mAh ki massive battery ke saath aayega. Post ki gayi images mein 1 CC large sound chamber dikhai de raha hai jo ki aur bhi loud sound produce karne mein help karega. Iske alawa phone NFC aur IR sensor jaise feature ke bhi less hoga.

Inn sabhi confirmed specs ke alawa rumors ki maane to phone mein 6.47 inch ki FHD+ AMOLED display di jaa sakti hai. Saath hi phone ka front facing camera 32MP ka offer kiya jaa sakta hai. Phone ki display mein aapko dot notch dekhne ko milegi. Well, inn sabhi specs ke saath yeh phone kal 5th November ko launch hone wala hai, jiske baad humein iss phone ki price aur availability ke baare mein pata chal paayega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: