Xiaomi President Ke Haath Mein 5G Network Ke Saath Dikha Mi Mix 3: Immediate Launch Expected

Beete kuch samay mein smart phone industry ne kaafi growth ki hai. Fir chahe phone ke camera ko le kar ho ya processor ko le kar. Aur sabse jaruri network connectivity, ke field mein bhi kaafi growth ki hai. October mein launch kiya gaye smartphone Xiaomi Mi Mix 3 ki launching ke samay company ne bataya tha ki aane wale time mein yeh phone officially 5G network par work karta hua nazar aayega. Wahi kal Xiaomi ke President Lin Bin ne Weibo.com par ek image share ki hai. Jaha Mi Mix 3 phone ki in-hand photo dikhai de rahi hai.

 

Dikhai de rahi photo mein phone ke right top corner par aapko 5G ka logo dikahi dega. Saath hi phone ke left corner par show ho raha hai, jisse expect kiya jaa raha hai  ki yeh phone Android 9.0 Pie ki update ke saath aa sakta hai. Next year aane wala yeh phone Android Pie aur 5G network ke support ke saath market mein aa sakta hai.

Image ke alawa specification ko le kar abhi koi update nahi di gayi hai. Mi Mix 3 ki specification ki baat karein to phone mein aapko 6.4 inch ki FHD+ OLED screen di gayi hai. Phone ke rear panel mein finger print scanner diya gaya hai. Phone ki highlight hai ismein di gayi 10GB RAM aur dual front sliding camera. Saath hi iss phone mein Qualcomm Snapdragon 845 processor diya gaya hai. Mi Mix 3 mein aapko 3,850mAh ki battery milti hai.

Ab yeh dekhna intersting rahega ki Mi Mix 3 ka 5G variant same frame ke saath launch kiya jaaega ya fir phone mein kuch aur changes kiye jaaenge. Xiaomi ke alawa aur kuch smartphones company ne MWC 2019 mein 5G smartphone launch karne ka daba kiya hai jismein OnePlus ka naam bhi include hai.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: