Kya Hoti Hai TRP ? Kaise Karte Hain Kisi Bhi Channel Ya Serial Ki TRP Calculate !

Har cheej ko measure karne ka ek parameter fix hai,  fir chahe wah aapka weight ho aapki height ho ya fir aapke chalne ki speed ho. Sabhi ke liye humare pass ek fix parameters hain. Lekin jab baat aati hai TV par chalne wale serials ki ya fir uss channel ki jis par wah serial dikhaya jaa raha hai, to hum baat karte hain TRP ki. Kya hai Yeh TRP? TRP, detail mein kahein to Television Rating Point. Kisi bhi channel ya serial ki rating ko measure karne ka ek parameter. Iss ke jariye aap yeh jaan sakte hain ki kaun sa channel ya serial sabse jyada dekha jaata hai. Yeh TRP choice aur popularity ke base par judge ki jaati hai. Lekin iss TRP ko calculate kaise kiya jaata hai, aaiye aapko batate hai.

 

 

 

TRP ek tool hai jiske dwara yeh pata lagaya jaata hai kis channel ya serial ko audience sabse jyada dekhna pasand karti hai. Ismein na sirf serial ya channel include hote hain balki unke investors aur advertisers bhi calculate kiye jaate hain. Yeh calculation batati hai ki audience ko kis category ke advertisement serial ya channel par pasand aate hain. Kisi bhi channel ya serial ki TRP mein uske advertisement ka bhi ek major role hota hai. Dikhaye jaane wale advertisement ko investors ke dwara tay kiya jaata hai ki wah advertisement kis jagah aur kis time par show kiya jaaega. Jis se audience ka interest channel ya serial mein kam na ho.

 

Samay ke saath iss TRP ki calculation mein change aaye hain. Pehle yeh TRP calculation DART ( Doordarshan Audience Rating Team ) ke dwara ki jaati thi. Iske baad yeh TRP calculation INTAM ( Indian Audience Television Measurements ) ke dwara ki jaane lagi hai. Kyun hum sabhi jaante hain ki aaj se kuch saal pehle tak sirf Doordarshan hi ek channel tha jo aapke television par dikhaya jaata tha. Badalte samay ke saath kuch naye channel saamne aaye aur apne saath naye serials ko laaye. Aaj aapko entertainment ke liye hundreds of channels apne television par dekhne ko milte hain. Inn sab ke bawajood DART aaj bhi kaam kar rahi hai. Jo ki kuch rural areas ko dhayan mein rakh ke kaam karti hai.

 

Iss TRP calculation ke liye people meter ko kuch chune huye logon ke gharon mein install kiya jaata hai. Yeh log alag alag region aur languages wale hote hain. Yahi nahin iss people meter installation mein sabhi category se audience ko choose kiya jaata hai, jismein rich, poor aur middle class sabhi category ke log include hote hain. Yeh audience thousands of numbers mein hoti hai. Ji ha, channel ya serial ki TRP ki calculation inhi thousand number of peoples ki choice ke base par ki jaati hai. Inn logon mein single viewer aur family audience dono ko hi include kiya jaata hai. INTAM dwara banayi gayi monitoring team per minute channel ya serial data ko monitor karti hai. Yahi team tay karti hai ki kaun sa channel ya serial sabse jyada baar dekha jaa raha hai.

 

Aapne jyadatar dekha hoga ki sabse jyada TRP gain karne wale serials ya channel ke beech mein sabse jyada advertisement pesh kiye jaate hain. Aisa kyun hota hai ? Kyun ki jis channel ya serial ki jitni jyada TRP hoti hai use utne hi jyada advertisement diye jaate hain. Inn serial ko payments bhi yeh advertiser hi karte hain. Yahi factors kisi bhi channel ya serial ke TRP rate ko kam ya jyada karte hain.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: