Kya Aap Jaante Hain Inn Sabhi Standardization Mark Ka Matlab, Jo Aapke Food, Electronics Aur Metal Par Hamesha Dikahi Dete Hain

Shopping karte samay aap naa jane kitne hi products khareedate hain, lekin kya aapne khareedane se pehle unn products par diye gaye standard mark ko notice kiya hai. Jyadatar samay, nahi! Government ki taraf se har tarah ke food, house keeping, packaged material, daily life products, textile products, electronics appliances aur metal material ke liye standard mark define kiya hua hai. Yeh standard mark naa sirf aapke liye balki environment aur service provider ke liye jaruri hai.

 

Yeh standard mark decide karte samay kuch baaton ka dhayaan rakha jaata hai jismein hygiene, environment, safety product quality aur after consumption produce hone wala waste include hai. Alag alag tarah ke products ko alag alag tarah ke certifications diye jaate hain. India mein inn certifications ko decide karne ke liye The Bureau Of Indian  Standards (BIS)  available hai wahin international standard ke liye International Organisation For Standardization (ISO) available hai.

 

 ISI 

ISI ka poora naam Indian Standards Institutes hai. Ise BIS ke former name se bhi jaana jata hai. BIS ke under mein aane wale  sabhi standardization marks mein se yeh mark sabse jyada valuable hai. Yeh mark kisi bhi product ke sabhi standards par safe maan liye jaane ke baad use diya jaata hai. Iss ISI mark ke andar aane wale products ki list mein packaged water, child food, fertilizers, stainless steel, automobile, LPG, battery jaise products shaamil hai. Yeh mark mandatory aur optional hai.

 

RED & BROWN DOT

India mein packaged food par inn mark ka hona compulsory hai. Green color ke outline box ke andar green dot yeh show karta hai ki yeh food pure vegetarian hai aur dark brown outline box ke andar bana dark brown dot yeh show karta hai ki yeh food kisi bhi tarah ke non-vegetarian food ko contain kart hain. Non-vegetarian food mein egg ko maana jata hai isliye agar koi bhi manufacturer apne food mein egg ko include karta hai to wah ise iss  brown dot mark ke pas mein mention karta hai. Yeh compulsory bhi hai.

 

HALLMARK

 

Yeh Hallmark Gold aur Silver ke liye decide kiya gaya hai jahaan yeh mark inn dono metal ki purity ke liye diya jaata hai. BIS Hallmark ko year 2000 mein gold ke liye aur year 2005 mein silver ke liye introduce kiya gaya tha.

 

FSSAI CERTIFICATION

 

Yeh certification bhi foods ke liye decide kiya hai lekin yeh poori tarah se optional hai. Yeh manufacturer par depend karta hai ki wah ise apne product par mark karna chahta hai ya nahi. Yeh mark hygiene aur safety standards par clear hone ke baad diya hai. food Safety & Standard Authority Of India ko FSSAI ke naam se jaana jaata hai.

 

BEE STAR RATING

Yeh label electronic appliances ke liye decide kiya gaya hai. Iss mark mein 5 star dikhai dete hain. Alag alag products ke liye yeh mark alag alag star par red color point kiya jaata hai. Har ek star ki alag value hoti hai. Yeh BEE Star rating generally energy consumption ke liye diya jaat hai. Jitne jyada star red honge utna hi kam aapka electronic products energy ko consume karega.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: