Xiaomi Ka Upcoming Product: SIM Card Support Karne Waale Routers Aur Gradient Colors Notebook

Xiaomi, Chinese tech manufacturer company jo aaye din kuch naa kuch naya aur useful product launch karta rehta hai. Wahi aaj ek leak huyi photo saamne aayi hai jismein ek home router ka back side dikhai de raha hai. Yeh photo Xiaomi ke hi Xiaomi Mi 8 smartphone se li gayi hai. Jaha router mein ek sim card slot dikhai de raha hai.

Dikhai de rahi iss image mein sim card slot mein ek sim card already insert dikhai de raha hai. Expect kiya jaa raha hai ki Xiaomi jaldi hi apna naya router launch kar skata hai jo ki sim card ko support karega. Iss image ko dekh kar lagta hai ki yeh router na sirf Wi-Fi router ki tarah work karega balki ek stable hotspot ki tarah bhi kaam karega.

Router ke back panel par 2 LAN port bhi dikhai de rahe saath hi ismein power plug ki huyi hai. Abhi yeh kahna thoda muskil rahega ki yeh router 3 antenna ko support karta hai ya fir 4 antenna ko. Aur yeh sim slot normal sim support karega ya micro sim ya nano sim. Lekin sim supportive router se connectivity ki problem jarur kam ho jaaegi. Iske alawa Xiaomi ke last home router ki baat karein to Xiaomi 4C router ne kaafi popularity gain ki hai. Jaha yeh router 4 omnidirectional antennas ke saath aata hai aur 2.4Ghz band ko support karta hai. Xiaomi 4C router 64 different devices ko ek saath connectivity provide karne mein capable hai.

Wahi customers ko preference dete huye Xiaomi ne Weibo ki site par survey shuru kiya hai jaha usne vote ke through audience se pucha hai ki wah next Xiaomi Notebook ko kis color mein dekhna pasand karegi. Jaha color option ke form mein Gold, Pink, Blue, Green, Purple aur Gradient color ka option diya hua hai. Xiaomi ki taraf se abhi notebook series mein aa rahe color ki baat karein to aapko Silver,Gold, White aur Deep Grey color ka option milta raha hai.

Lekin ab Xiaomi customers choice aur most voted color ko choose kar ke nayi Notebook series mein use karega. Jo ki ek kaafi acha initiative ho sakta hai. Haanlki abhi aane wali notebook series ke hardware aur specifications ko le kar koi bhi update saamne nahi aayi hai. Lekin Xiaomi ke naye Notebook series ko vibrant aur new color mein dekhna kaafi interesting rahega. Wahi iss post ke baad audience iss sim card supported router ka bhi wait jarur karegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: