Kis Tarah Karein Apne Time Ko Manage, Jis Se Successful Bane Aapki Life.

Kisi bhi kaam ko successfully complete karne ke liye aapke pass ek bhadiya plan aur uss plan ko execute karne ka time management hona jaruri hai. Yeh time management har kisi ke liye jaruri hai, fir chahe aap ek school student ho ya fir ek businessman. Ek behtar time management kisi bhi kaam ko behtar tarike se execute karne mein help karta hai. Agar aapne abhi tak apni life mein kisi bhi important kaam ya apne daily routine work ke liye schedule fix nahi kiya hai to ab kar sakte hain.

  • Sabse pehle aapke pas ek list hona jaruri hai unn sabhi kaam ki jo aapko karne hain. Yeh list same day nahi banani hai, yeh banani hai aapko ek din pehle. Ji ha ek din pehle aapke pas yeh list honi chahiye ki next day aapko kya karna hai. Jiski wajah se aap apne time ko divide kar sakenge, ki aapko kis kaam ko kitna time dena hai. Saath hi iss list ki help se aap yeh bhi tay kar paaenge ki koun sa kaam jyada jaruri hai aur kaun sa kam. Jis se ki aap priority basis par jaruri kaam ko pehle khatam kar sakein.
  • Iske baad aapko apne din ko 2 parts mein divide karna hai. Agar aap field work karte hain to aapko din ka first half field work ke liye choose karna chaiye aur second half indoor work  ke liye. Wahin agar aap student hain to apne school/college/tuition ki timings ko first half mein rakhna chaiye jis se ki aapka baar baar aane jaane mein samay kharab na ho. Second half ke time ko aap apni self study, home work aur entertainment ke liye use kar sakte hain.

  • Outdoor work ke liye fix kiye gaye time mein agar aapko kisi client se milna hai ya meetings ko attend karna hai to aapke pas sabhi ke liye ek fix time hona chahiye. Jis se ki har kaam ko barabar samay mil sake. Kayi baar aisa hota hai ki humein jis kaam ko jyada samay dena chaiye tha wah baaki kaam ki wajah se jaldi khatam karna padta hai aur jaldi jaldi mein hi humse galti ho jaati hai.
  • Hamesha client se milne ke liye diye gaye time ya meeting ke liye fix kiye time se 15 minute pehle venue par pahunche. Is se aap plan mein hone wale kisi bhi tarah ke change ke liye taiyaar rahenge. Issi ke saath meeting place se aapko instantly nahi jaana chaiye. Yeh policy School/college/Tuition par bhi apply hoti hai. Iska fayda yeh hota hai ki aapko baad mein ho rahe discussion se hamesha kuch shikhne ko milta hai, jo ki kabhi kabhi meetings/classes mein nahi bataya jaata hai.

  • Jaisa ki hum sabhi jaante hain ki aaj jayada se jayada kaam internet ke through hote hain. isliye aapke pas internet surfing ke liye bhi ek fix time hona chiaye. Aapka all time internet par lage rehna client par ya aapke teacher par galat impact daalta hai. Saath hi time waste ka reason bhi banata hai. Kabhi kabhi hum internet mein bewajah ki surfing mein apna kaafi keemati samay waste kar dete hain. Yahan aapko internet ka sahi use karna hota hai jis mein aap apne clients ke dwara bheje gaye e-mails ya aapke teacher ke dwara upload kiye gaye notes ko read out kar sakte hai.

  • Inn sabhi ke baad aapko dekhna hai ki aapne jin sabhi kaam ki list banayi thi woh sabhi complete huye hain ya nahi. Agar aapki list mein koi bhi kaam abhi bhi bacha hua hai to iska matlab yeh hai ki aapko apne time management ko aur improve karna padega. Inn sabhi ke beech aapko apni family aur health ko time dena bhi jaruri hai. isliye yeh bhi aapki list mein add ho, iska dhayan rahe.
Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: