Kal Yaani Ki 25th December Ko Launch Hone Jaa Raha Hai Naya POCOPHONE

Hello guys ! Xiaomi ki ek khabar to aap isse pehle padh chuke hain, ki Mi Play launch hua, lekin ye usse bhi khaas khabar hai. Darasal, jahaan company ne ek taraf Mi Play China mein launch kiya, wahin Xiaomi India bhi ye confirm kar chuki hai ki, Christmas par aapko ek surprise milne wala hai, aur wo hoga naya POCOPHONE.

Yes ! You heard that right.

Xiaomi kal yaani ki Christmas ke mauke par naya POCOPHONE launch karne wala hai. Company ke country manager, C Mannohan ne apne Twitter handle par tweet kar ye bataya ki naya Pocophone jaldi hi aane wala hai. Iske theek baad, Poco India ke Twitter account se ek aur comment aaya ki ye naya smartphone Christmas par launch hoga. Aur Xiaomi fans, Christmas bas ab kuch ghanton door hai.

In dono Tweets ko aap neeche dekh sakte hain. Well, sabse ajeeb baat yahaan par ye hai ki, is smartphone ke baare mein kisi ko kuch bhi nahin maaloom hai aur naa hi iska koi rumor ya leak hamaare saamne aaya. Aaj hi is smartphone ko lekar pehli charcha hai aur ab ye dekhna interesting hoga ki Poco India, India mein Christmas ke din kya surprise lekar aata hai.

Maana jaa raha hai ki is smartphone ka naam Poco F2 hoga aur ise bhi two or three storage options mein launch kiya jaa sakta hai.

Lekin iske alawa tipster Ishan Agarwal ki maanein to Poco F1 ka 6GB+128GB version ‘Kevlar finish’ special edition ke saath bhi launch ho sakta hai.

Well, ab Poco F2 aayega ya phir F1 ka koi special edition, iske liye kal tak ka intezaar karna hi hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: