June 2021 mein India mein launch honge ye smartphones

April -May mein Covid-19 ki badhti raftaar ke kaaran India mein smartphone launches ko lagbhag rok hi diya tha. Lekin lagta hai ki June yaani ki is month mein kaafi saari companies apne naye smartphones launch karne ke liye set hain. Kayi smartphones ke launch date aur teasers saamne bhi aaye hain jinmein Poco, OnePlus aur ASUS jaise brands shaamil hain. Aaiye aapko bataate hain ki June 2021 mein kaun se smartphone aur lagbhag kis budget mein Indian market mein entry lenge.

OnePlus Nord CE 5G

OnePlus ne confirm kar diya hai ki unka naya 5G smartphone OnePlus Nord CE 5G India mein 10th June ko launch kiya jayega. Company is smartphone ko promote bhi kar rahi hai. Company ke event page par teaser mein iska “New sleek and streamlined design” tease kiya gaya hai. Wahin ye bhi mention hai ki ek-ek karke kuch Mystery features ko 2nd June, 4 June aur 8 June ko reveal kiya jayega. Rumors ke according, OnePlus Nord CE 5G specifications mein AMOLED display, Snapdragon 750G chipset, triple rear camera setup, punch-hole 16MP selfie camera shaamil honge. Saath hi expect kiya jaa raha hai ki is baar iski kimat kuch hadd tak affordable ho sakti hai.

Poco M3 Pro

POCO India ke Country Director Mr. Anuj Sharma ne ye confirm kiya ki POCO M3 Pro India mein 8th June ko launch hone waala hai. Ye smartphone globally pehle launch kiya jaa chuka hai aur iski kimatein lagbhag 15,000 se 17,000 INR ke aas-paas ho sakti hain. Poco M3 Pro mein 6.5 inch full HD+ punch-hole display, MediaTek Dimensity 700 chipset, 48+2+2 megapixel rear cameras, 8 megapixel ka selfie camera jaise features honge.

Realme GT 5G

Realme X7 Max ko isi week India mein launch karne baad ab company India mein Realme GT 5G ke launch ki taiyaari kar rahi hai. Is smartphone ko haal hi mein tease bhi kiya gaya hai aur ye company ke event page par bhi listed hai. Ye smartphone company ki India website ke global 5G summit event page par teaser ke taur par hai aur iske neeche aapko ‘coming soon’ bhi bold letters mein nazar aayega. Global summit event 3 June ko hai aur India mein ek 5G event company 10th June ko host karne waali hai. hopefully ue smartphone bhi usi din introduce kiya jayega.

Asus 8Z

Asus Zenfone 8 aur Asus ZenFone 8 Flip ka bhi isi month mein India launch confirm hai. Halaanki ye smartphones India mein Asus 8Z aur Asus 8Z Flip naam ke saath expect kiye jaa rahe hain. Company ki website par landing page bhi live ho chuka hai. Wahin par ek ‘Notify Me’ ka button bhi hai.

Ye smartphones globally pehle launch kiye jaa chuke hain aur inke prices 50,000 INR aur 71,000 INR ke aas-paas hain. India mein bhi range yahi hone waali hai.

iQOO Z3 5G

iQOO Z3 5G

iQOO bhi India mein 8th June ko apna naya 5G smartphone launch karne waala hai- iQOO Z3 5G. Is smartphone mein Octa Core Snapdragon 768G chipset aur 8GB RAM features ko bhi confirm kiya gaya hai. Saath hi iska first look bhi launch se pehle reveal ho gaya hai. Ye phone Android 11 ke saath aayega aur ismein aapko 6.58 inch full HD+ 120Hz LCD display milegi, Iske alawa 256GB UFS 2.2 storage, 4400mAh battery, 55W fast charging support jaise features ismein aayenge.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: