July 25 Ko Launch Hoga Mi A3: Complete Details, Jo Abhi Tak Saamne Aayi Hain

Mi A2 pichle saal July mein launch kiya gaya tha aur company ab jaldi hi iske successor Mi A3 ko reveal karne waali hai. Haal hi mein iska first hint Xiaomi ke Global Spokesperson ne diya tha aur ab company ne iski official launch date reveal kar di hai.

Haal hi mein saamne aaye is teaser mein aap dekh sakte hain ki Mi A3 ki launch date mention ki gayi hai, jo ki July 25 hai. Ye phone sabse pehle Warsaw, Poland mein launch kiya jaa raha hai aur ise 4PM EST (India mein 7.30 PM) par reveal kiya jaayega. Expect kiya jaa raha hai ki Mi A3 ke saath iska Lite version bhi saamne aa sakta hai.

 

Isi ke saath teasers se ye bhi hint milta hai ki Android One phone triple rear cameras ke saath launch kiya jayega. Company ne iske liye ek alag page bhi banaya hai, jiska naam hai “Xiaomi #PhotosWithoutLimits”, yaani ki ise ek camera centric smartphone bhi kaha jayega.

Mi A3 ke specs, bahut had tak Mi CC9 aur CC9e se bhi match karte hain. Ismein aapko 32MP front camera mil sakta hai aur saath hi 48 MP ka primary rear camera ho sakta hai. Well yahaan par chipset ko lekar bhi kayi tarah ke rumors hain, jinmein kuch ka kehna hai ki ye phone Snapdragon 665 chipset ke saath aayega. Jabki tipster Ishaan Agarwal ke according, Mi A3 ko power dene ke liye Snapdragon 730 CPU ka istemaal kiya jayega aur A3 Lite mein aapko Snapdragon 675 chipset dekhne ko mil sakta hai, jo ki Redmi Note 7 Pro mein bhi tha.

Wahin WinFuture ke according, is upcoming handset mein 6.0 inch ki full HD+ AMOLED display hogi. Ismein in-display fingerprint scanner bhi diya jayega aur front par waterdrop notch mein 32MP ka selfie shooter fitted hoga. Jabki rear panel par 48 MP ka primary, 8 MP ka secondary aur 2 MP ka depth sensor aane ki ummid hai.

Ismein 4000mAh ki battery fast charging support ke saath mil sakti hai. Saath hi ye phone three color options mein saamne aayega, lekin pricing details ko lekar abhi koi information saamne nahin aayi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: