July 23 Ko Announce Hone Waale Honor 9X Ke Specs Aur AnTuTu Score Leak Huye

Honor 8X ka successor, Honor 9X is month mein launch hone waala hai aur launch se pehle hi is smartphone ka chipset reveal ho chuka hai. Chinese social media network Weibo par AnTuTu ne khud ye reveal kiya hai ki Huawei ke latest chipset Kirin 810 ke saath hi Honor 9X ko launch kiya jayega.

Huawei ki taraf se launch hua Kirin 810, first mid-range chipset hai, jo ki 7nm process par based hai aur isi ke saath company ka ye issue bhi resolve ho chuka hai ki mid-range phones ke liye, unke paas ab ek naya aur alag chipset hai. Huawei ke Kirin 710 aur Kirin 985 ke beech mein launch hua ye chipset ab aane waale Huawei aur Honor ke mid-range phones mein nazar aayega.

ALSO READHuawei Ko Mili Raahat, U.S Firms Ab Phir Se Kar Sakti Hain Huawei Ke Saath Business

Upcoming phone Honor 9X mein Kirin 810 hoga aur iska AnTuTu score 237,000 hai. Saath hi aapko hum bata dein ki Snapdragon 730 chipset aur Kirin 810 chipset mein se, Kirin 810 ka AnTuTu score jyada hai.

Is chipset ko lekar company ka kehna hai ki ye Mali-G52 MP6 GPU ke sath aata hai aur Kirin 710 ke mukaable 162% better performance deta hai.

Iske alawa Honor 9X ko lekar haal hi mein Sudhanshu Ambhore ke  Twitter account se kuch specs share kiye gaye hain. Inke according, Honor 9X, 6.5 inch ki full HD+ AMOLED display, 20+16 MP dual rear cameras, 20 MP front camera ke saath aa sakta hai. Iske alawa company ise 6GB RAM aur 128GB internal storage ke saath launch kar sakti hai. Saath hi ismein aapko 10W fast charger aur USB Type-C port milne ki ummid hai. Well ab ye specs kitne sahi aur galat hain, ye to aane waale samay mein hi pata chalega.

Hopefully coming weeks mein humein is handset ke aur leaks milenge aur hum aapke saath unhein zaroor share karenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: