July 18 Ko China Mein Launch Hoga Nokia X5: Attractive Pricing Details Ke Saath India Mein Aane ki Ummid

Nokia X5, jo ki pehle July 11 ko launch hone jaa raha tha, kisi wajah se company ne iska launch event postpone kiya aur aaj company ne apne Weibo account ke zariye se confirm kar diya hai ki HMD Global, Nokia X5 ko kal yaani ki July 18 ko China mein launch karegi.

Nokia X5 company ka pehle smartphone hoga, jo ki notch display ke saath launch kiya jayega. Press image jo saamne aayi hai usmein Blue color ka Nokia X5 dekha gaya hai, jo ki ek premium smartphone ka look deta hai, rear panel par center mein dual rear camera aur LED flash light hai aur inke theek neeche fingerprint scanner hai.

Is smartphone mein 5.84-inch ki HD+ display, 19:9 aspect ratio ke saath aayegi. Saath hi ismein powerful MediaTek Helio P60 processor hoga jiske saath 3GB /4GB /6GB RAM options honge. Ye smartphone bhi two ya three storage options mein aa sakta hai jinmein 3/4/6GB RAM options ke saath 32GB / 64GB internal memory variants aayenge.

 

Iske alawa TENAA par dekhi gayi specs ke according ismein 13 ka primary rear camera aur 5 MP ka secondary rear camera hoga. Iske saath hi expect kiya jaa raha hai ki ismein 8 MP ka front camera hoga. Android 8.1 Oreo par chalne waale, Nokia X5 mein 3000mAh ki non-removable battery hogi.

Nokia X5 ki pricing ko lekar jo khabarein aa rahi hain, wo iske specs se bhi interesting hain. Darasal, ye maana jaa raha hai ki is smartphone ki kimat 800 – 1,000 yuan ke beech hogi (lagbhag 8,000 se 10,000 INR). Agar ye handset notch display ke saath is price par launch hoga, to India mein ye Redmi Note 5 Pro, Realme 1 aur Zenfone 5Z ka achha competitor prove ho sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: